martes, 23 de diciembre de 2008

Cantares de Navidá













Ya tamos de vacaciones y non queda más pa esti añu que felicitar a todos/es una especial Navidad y un prosperu añu nuevu. L'añu que entra sedrá de xuru únicu, nel facemos el nuesu primer aniversario con 10 años pola música d'Asturies.


Chus Solís fainos un pequeñu regalu de Navidad nel so blog , tratase de una coleución de Cantares de Navidad asturianos nomáu "Tresnu de cantares de Navidá pa gaita asturiana" na entrá además, recueye un llistáu de trabayos discograficos del xéneru.

Equi los enllaces:

Portada

Entamu

1 - Esta noche es Nochebuena

2 - No hay tal andar

2- No Hay tal andar (lletra)

3 - San José y María

4- Esta noche, caballeros

5 - Alsa, Bayona

6 - Os Resies

6 - Os resies (Lletra)

Contraportada

martes, 2 de diciembre de 2008

Nueva especialidá de Mandolina Folk


Pal mes de Xineru de 2009 entamamos la especialidá de Mandolina Folk con Héctor Braga.

Les clases impartiranse los sábados na mañana y tan orientaes al usu na música folk.

Héctor imparte tambien clases de zanfoña, bandurria y vigulín, si quies apuntate nes sos clases llamanos al 985 67 71 13 o nel e-mail llangreumusicatradicional@hotmail.com

viernes, 28 de noviembre de 2008

Nueves asignatures na escuela de guitarra folk y bouzouki


Dende esti mes d' Avientu entamamos dos asignatures que sedran l' aniciu d'un nuevu departamentu na escuela dedicáu a la música folk y nel que pretendemos ampliar también a instrumentos como la mandolina, bodram, etc..

Lo que ta ya en marcha son les clases de guitarra folk y Bouzouki qu' imparte Alberto Ablanedo.

Nes clases trabayense coses como:


-Afinaciones alternatives DADGAD/DADGBE/GDAD, etc

-Ritmos, mano derecha, carauteristicos del xéneru.
-Armonía para el Folk -Progresiones d' acordes.
-Melodias/punteos

-Acompañamientu con contramelodía

-Actividaes en grupu, etc

si quies apuntate nes clases de GUITARRA FOLK o
BOUZOUKI con Alberto Ablanedo pues facer inscripción nel teléfonu 985 67 71 13 o dirixite al correu de la escuela.


martes, 25 de noviembre de 2008

Zamora












Semeyes del Cursu de Pelayo


Tenemos que dar l' agradecimientu a todes les persones que formen el Consorciu de Fomentu Musical de Zamora pol tratu que mos brindaron na nuesa estancia elli.

Foi un conciertu prestosu y pos conciertu más prestosu aún.

La escuela de folklore del CFMZ cuenta con más de 1000 alumnos y ye un exemplu a seguir de dedicación y enfotu pola cultura y folklore. Tal vez en breve, se puedan facer proyeutos en común ente les nueses escueles, dende lluegu les ganes non falten.

Monentu del conciertu con Héctor y Chus, todos los videos en: http://es.youtube.com/user/CFMZ

lunes, 17 de noviembre de 2008

Conciertu d' apertura CFM de Zamora


Esti vienres díi 21 varios profesores nos deplazamos a Zamora donde participaremos nel Conciertu d' Apertura del Cursu del Consocio de Fomento Musical de Zamora

El Consorcio de Fomento Musical de Zamora, ta centráu nel desarrollu d' actividaes d'investigación y archivo musical, publicación y edición de etnomusicales, presentación y muestras de folklore, conservación y difusión del folclore zamorano nes sos escuelas de folklore, asina como nel desarrollo de numeroses colaboraciones d' asesoramientu 'n diferentes medios. Ye una entidá de prestixu en Zamora tando respaldá y sofitá por delles organizaciones públiques y privaes.

Inauguración del Cursu 08-09 Escuela de Folklore CFM, Zamora
Conciertu d' Apertura.
Vienres 21 de payares de 2008.
20,15 H Auditorio de Caja España C/ Leopoldo Alas Clarín 5

FLAUTA Y TAMBORIL
Manuel Pérez Becerro y pareya de baille (Salamanca).

DULZAINA Y PERCUSIÓN
Hermanos Barreno, Zarzuela del Monte (Segovia).

GAITA Y TAMBOR
Escuela de Música Tradicional de Llangreu (Asturies).
Chus Solís, gaita.
Chema Fombona, tambor
Héctor Braga, tonada.

El sábado Pelayo Fernandez, profesor de mecánica de la gaita impartirá un taller sobre la contrucción de payueles aplicáu a la gaita zamorana.

Parti del conciertu d' apertura del cursu 07/08, más videos en ; http://es.youtube.com/user/CFMZ



miércoles, 5 de noviembre de 2008

Héctor Braga espubliza Trd.ye


El nuesu compañeru Héctor Braga espubliza estos díis es so segundu trabayu en solitariu "Trd.ye", nesti nuevu albun Héctor fai gala del so potencial como multinstrumentista amestando un conteníu importante de tonada dando a conocer les sos cualidades como intreprete de canción asturiana. Tién, además, delles collaboraciones como les de Pepín de Muñalen y Alberto Ablanedo profesores también na nuesa escuela de Llangréu.



Anabel Santiago fala del so aniciu na docencia


Anabel Santiago ye la profesora de tonada de la escuela dende esti cursu 08/09. El pasáu díi 4 falo de la so nueva condición de profesora nel prograna "Musica Musiques" de la RPA.

Ismael Arias fixo una entrevista de lo más prestoso, onde Anabel explica el so plantamientu d' enseñanza pa la tonada.

sábado, 25 de octubre de 2008

5 Payares, Xargene n' Uvieu


La Obra Social y Cultural de Cajastur ufriez Xargene en conciertu, a cellebrar el 5 de Payares nel Centro Cultural Cajastur San Francisco, ye del balde fasta completar l' aforu.

Xargene ufierta música tradicional de los Pireneos rellaborá per ellos mesmos, músicos d' amplia formación y referencia. Además de les zanfoñes (con Roman Baudoin meyor zanfoñista en Saint Chartier), curdión y demás, ye curiosa pa tamburiteros asturianos pola flauta de tres furacos del Pirineu (tipo Xirula) y pa gaiteros pola boha, instrumentos qu' emplean na formación.

Xargene son:

Joan Baudoin, zanfoña, boha (cornamusa landesa), flautes de tres furacos, caremera, voz y percusiones tradicionales.

Lucia Longué, flautes de tres furacos, besson, caremera, voz, curdión diatónicu y boha. RAS.

Simon Guillaumin, zanfoña electroacústica y voz.
Forma parte de PAKOPOLEN, PASS'AIRES, ROCK'N'TRAD y PARAULAS DE BAL.


Josean Martín Zarko, guitarras, bouzouki y mandolina.
Miembro de GANBARA, ALBOKA, LANTZ y EURITAN BLAI.

Juan Ezeiza, violín, alboka, txanbela, xirula y cromorno.
Miembro de GANBARA, LANTZ y EURITAN BLAI.

Roman Baudoin, producción artística. Ha participado en formaciones JASIRA, CÒDÒC, MESCLAM!, UN PAS UN SAUT, FAMILHA ARTUS, ZAAR...

Más información en :
http://www.cajastur.es/osyc/acultural/actividades/actividad1553.html

jueves, 23 de octubre de 2008

10.000

Güei sobrepasamos les 10.000 visites al blog aniciau el 15 de Mayu de 2007, gracies pol seguimientu y comentarios que faceis los habituales, en xeneral gracies a los que pasen per esti espaciu y pol interés que mostraís munchos nes actividades y cursos de nuesa escuela.

martes, 21 de octubre de 2008

1958-2008, 50 años de bailles en Blimea


Ellí dende los caberos años 50 y principios de los 60 aniciabase lo que ye gúie el Grupu Folkloricu "Bimea". Pa cellebrar esta dilatá trayeutoria de la agruapación, organizen un espeutáculo nomau "Nosotros mesmos pero .... diferentes". Esti eventu ta previstu pal díi 25 d' Ochobre a les 19:30h. nel Teatro Municipal de l' Entregu, la entrá ye llibre fasta completar l' aforu.

L' espectáculo repartese en tres escenes; "La perdida", "El Filandón" y "La romeria" , además del Grupu "Blimea" actuen el grupu teatru "El refaxu" y la coral San Martín todo ello pa facer una recreación de lo que foron los episodios de la vida cotidiana de los asturianos nos seglos pasaos.

Esti actu fai de broche final a los actos conmemorativos del 50º Aniversariu de la fundación del Grupu Folkloricu "Blimea", nos además de tenellos un ciñu especial, ya que varios miembros son alumnos de la nuesa escuela, deseamos-yos que cumplan 100 más como fixeron fasta entós, trabayando pola cultura d' Asturies.

Entama 'l concursu de la Nueva

Un añu más entama el concursu na parroquia de la Nueva-Llangréu. La Asociación vecinal "San Luis" mantién dende fai 15 años esti eventu pa fomentar y promocionar la música y músicos d' Asturies, ye un de los concursos más importantes d' Asturies en lo que se refier a continuidá y premios contando con xuraos independientes y una gran afición en lo que se refier a la tonada.

Esti añu la novedá ye la modalidad de tonada pa neños fasta los 11 años. Nun tendremos competición de pareyes de gaita y tambor pero si de gaiteros/as solistes.

Non disponemos más que de les bases pa la modalidad de gaiteru solista pero se pue consultar más información na so web www.lanueva.es o nel e-mail avvsanluis@gmail.com.

Bases pa gaiteros/as solistes

jueves, 9 de octubre de 2008

Les clases tan servies



Delles especialidaes entamen nesta selmana, los primeros foron los alumnos de Canción Astuniana con Anabel Santiago qu' allugense nel martes a partir de les 19h.
Pepin entamo de xueves col horariu dende les 16h y na clase los alumnos ya disfrutaron del serviciu d' alquiler de flautes que-y ufierta Marcos Llope a la escuela, pudiendo escoyer una flauta qu' usarán dende ya.

El vienres toquen les asignatures de Curdión de botones con Xose R. Navia y Ensame folk con Alberto Ablanedo a les 18h y les 20h respeutívamente, el sabadu la gaita con Chus Solís ya tien horarios dende les 9 la mañana fasta les 19h de la tardi, siendu necesariu ampliar también na selmana pola demanda, pal martes y xueves dende les 19h. El sábadu también entama tambor de 10 a 14h con Chema Fombona, mecánica y mantenimientu de la gaita dende les 16h con Pelayo Fernández, zanfoña dende les 11h y bandurria dende les 12h con Héctor Braga.

El restu d' asignatures faeran lo propiu pal mes de Payares.

miércoles, 1 de octubre de 2008

4 d' Ochobre, presentación del cursu.


Esti sábadu díi 4 d' Ochobre son les presentaciones de les distintes aules de la escuela.

Na presentación, los alumnos podrán organizar col profesor los horarios de clase y este además expondrá'l programa pal cursu 2008/2009.

Les presentaciones son nel Conservatoriu Valle del Nalón (Plaza Adaro S/N) :

11h.
Tambor Asturianu - Chema Fombona - Aula de la A.pp.aa. 1ª Planta
Gaita Asturiana - Chus Solís - Sala de profesores 1ª Planta
Canción Asturiana - Anabel Santiago - Sala de lenguaje musical 4º Planta
Zanfoña/Bandurria/Vigulín - Héctor Braga - Biblioteca 4º Planta

16h.
Curdión diatónicu - Xose Ramón Navia - Sala de lenguaje musical 4º Planta
Flauta travesera - Pepín de Muñalén - Biblioteca 4º Planta
Mecánica y mantenimientu gaita - Pelayo F. - Aula de mecánica 4ª Planta
Combo-Ensame Folk
- Alberto Ablanedo - Aula de la A.pp.aa. 1ª Planta

Resto de presentaciones:

LUNES díi 6 d' Ochobre 17:30 Aula Polivalente (C/Molín del Suu nº 12 La Felguera)
Pandereteres/Baille - Laura Ruiz


El restu; Aniciu na música tradicional,
Llinguaxe Musical, Folklore, Xipla y COMBOS entamen en Payares.

Si quies asistir a les presentaciones, sin compromisu nengún d' inscripción, apuntate nel teléfonu 985 67 71 13.

Dáu'l cálter personalizáu de les clases podrá facese inscripción durante tol cursu fasta finar les plazes destinaes a cada especialidá.

sábado, 27 de septiembre de 2008

Marcos Llope alquilará flautes traveseres a la escuela.

Marcos Llope ye conocíu por ser el flautista del popular grupu Llan de Cubel. Además de flautista Marcos ye constructor con gran dedicación y esmeru nel detalle.

Por recomendación de Pepín, falamos con él y pesllamos un acuerdu de collaboración cola escuela, d' esta forma los alumnos de flauta de Pepín podrán alquilar una flauta de primera calidá pal aniciu nel instrumentu qu'además tendrá obción de compra.

Esta, creemos, que ye una gran iniciativa dando la posibilidad al principiante a comenzar les clases con un instrumentu digno y facelo d' una forma muy económica. La escuela también ufierta alquileres con obción a compra de gaites y zanfoñes.

Marcos impartirá también un taller de mecánica y mantenimientu pa la escuela del que daremos feches en breve.

Gracies a xente como Marcos ye como se fai camín pola música tradicional d' Asturies. En breve también, Marcos presentaranos una flauta d' aniciu a un preciu muy razonable.


Si quies apuntate nes clases de Pepin de flauta travesera o recibir más información pues
Escribir a: llangreumusicatracional@hotmail.com
o llamar al: 985 67 71 13

Aaron Zapico nel Muséu d' Arte Contemporáneo de Vilafamés


Aaron Zapico ye un gran clavecinista, tituláu superior de pianu coles meyores califiaciones nel Conservatoriu d' Uvieu, obtuvo la so diplomatura como clave solista nel Real Conservatoriu de l' Haya.

Pa nos ye un vieyu conocíu, el so pa, ya tristemende desaparecíu, Eloy Zapico, foi 'l fundador de la nuesa escuela y xunto la so muyer Marga Braña xestionaronla fasta l' añu 2003. Durante esos años Aarón foi 'l maestru de llinguaxe musical na escuela, con hores interminables d' estudiu col so clave mientres los demás impartiamos les n
ueses clases (con xornaes de 8 hores). Por eso el gran ciñu que-y tenemos a Aarón y a tola so familia, ye lóxicu que también nos preste saber de los sos proyetos musicales, al final dempués de tantu tiempu también y coximos gustu a la música "Anticúa" : ) Bueno el casu ye qu' Aarón ofriez xuntu a Xavier Sabata (alto) el "Recital Händel" nel Muséu d' Arte Contemporáneo de Vilafamés en Castellón de la Plana, con lo que el que tea per elli que non se pierda el recital d' estos grandes músicos.

Pa seguir los proyeutos d' Aarón y los sos hermanos nun dexeis de visitar:

forma antiqva.com

martes, 23 de septiembre de 2008

La escuela nel conciertu d' apertura del CFM de Zamora


La escuela de música tradicional Llangréu foi invitada a participar nel conciertu d' apertura del cursu del Consorcio de Fomentu Musical de Zamora que dirixe Alberto Jambrina.

En representación de la escuela tarán presentes varios profesores ofreciendo un conciertu y un taller sobre construcción de payueles.

Prestanos mucho la invitación del CFMZ ya que pa nos son exemplu a seguir de lo que tien que ser la dignificación y conservación de la música tradicional.

Nesta dirección http://es.youtube.com/CFMZ puen visionase, nel Youtube, conciertos anteriores.

Entama'l cursu na Quintana.


La escuela de música tradicional la Quintana de Xixón, ye pa nos, un de les escueles con mas puxo n' Asturies, nesti añu 2008 cumplen 10 d' existencia. Al igual que la Quintana, también cumplimos 10 años
nesti cursu (cursu 99/00 al cursu 08/09) esperemos que tós cumplamos munchos más, sempre creciendo pola música d' Asturies.

La Quintana tien una gran ufierta d' especialidaes, asina esti añu puen cursase estudios con:
  • Borja Baragaño (gaita y xiblata travesera)
  • Pedro Pérez (gaita)
  • David Varela (percusión y curdión diatónicu)
  • Merce Santos (zanfona)
  • Rubén Bada (Guitarra)
  • Lisardo Prieto (Solféu y vigulín)
  • Horacio Huerta (Asturianada)
  • José Ángel Llaneza (bandurria)
Les matrícules faense del 23 al 25 d' esti mes. Pa más información lo meyor ye consultar la so web:
www.laquintana.as


martes, 16 de septiembre de 2008

Entamu del cursu


Asina queda la ufierta d' especialidaes pa esti cursu 2008/2009.

INSTRUMENTALES
Canción Asturiana.
Anabel Santiago
Tambor Asturianu.
Chema Fombona.
Gaita Asturiana.
Chus Solís.
Xipla y tamboril.
Luis Mondelo.
Curdión diatónicu
Xose Ramón Navia.
Flauta travesera de maera.
Pepín de Muñalén.
Vigulín tradicional.
Héctor Braga.
Zanfoña.
Héctor Braga.
Bandurria.
Héctor Braga.
Pandereteres.
Laura Ruiz.
Baille Asturianu.
Laura Ruiz.

D'ANICIU/OTRES
Aniciu na música tradicional
(Neños dende 6 anos)
Fani Moro.
Averamientu a la música tradicional.
(Adultos)
Fani Moro.
Llinguaxe Musical
Fani Moro.
Folklore.
Fani Moro.
Mecánica y mantenimientu gaita
Pelayo Fernández.

COMBOS
Combo-Banda Gaites.
Chus Solís.
Combo-Bandina tradicional.
Héctor Braga
Combo-Pareya tambor y gaita
Valentín Fuente - Manuel Durán.
Combo-Gaita/Canción Asturiana.
Valentín Fuente.
Combo-Gaita/Baille.
Laura Ruiz - Valentín Fuente.
Combo-Ensame Folk.
Alberto Ablanedo.

Equi el formulariu d' inscripción pal cursu 2008/2009

Pa recibir información, facer consultes o la mesma inscripción pues llamar al 985 67 71 13 o escribir a :llangreumusicatradicional@hotmail.com

jueves, 11 de septiembre de 2008

Anabel Santiago, nueva profesora pal cursu 2008/2009


Anabel Santiago
ye un de les voces mas nomaes nel mundiu de la Canción Asturiana, ye campeona d' innumerables concursos y un de les cabezaleres de la renovación de l' Asturianá.

Anabel faise cargu de l' asignatura de Canción Asturiana qu' entamara Begoña Calleja
y que non pue atender nesti añu por cuestiones de trabayu, recordemos que Begoña ye maestra y direutora de coru nel Navia-Eo.

Begoña de toes, fadranos una visita trimestral en formatu de talleres de téunica vocal.

Tamos per contentos de qu' Anabel entame como profesora na escuela, esperamos que se sienta agusto y que la EMT Llangréu sella semilleru de nuevos interpretes de la Canción Asturiana.

Si quies facer reserva de matrícula nes clases con Anabel Santiago pues facelo nel correu : llangreumusicatradicional@hotmail.com
o nel numberu de teléfonu 985 67 71 13.


El 15 d'esti mes espublizamos el programa completu y abrimos el plazu d' inscripción, eso faise asina per qu' esti añu les plazes por especialidá son llimitáes al non poder l' escuela agrupar a más escolinos y sedrán ortorgaes por sigurosu orden d' inscripción.

miércoles, 10 de septiembre de 2008

IX Festival de Música Tradicional de Chinchón


Del 12 al 14 de Setiembre cellebrase el IX Festival de Música Tradicional de Chinchón.

El Festival ta organizau por Juan Rodríguez Tembleco y Manuel Marcos de l' Asociación Ajibe d' Aranjuez, sofitáu pel Ayuntamientu de Chinchón.

Participarán los siguientes grupos:

AVEL TREZ (Francia)
ALJIBE (Madrid)
RONDA MOTEÑA (Castilla La Mancha)
LA CHAMINERA (Aragón)
LUAR NA LUBRE (Galicia)
AXOUXERE
LOS TITIRITEROS DE BINEFAR (Aragón)

Además de contar con varios talleres de bailles y teunicas instrumentales.

Dende equi paeznos un festival per guapu cola excepción de grupos astunianos......... bueno nun se pue ser perfeutu : ), de toes gracies a Ricardo Fraile pela nueva.

Equi dexemos el enllace pa la so WEB y otru pal dicticu publicitariu.

martes, 9 de septiembre de 2008

Entrevista n' Acuto

Entrevista a Chus Solís, direutor de la Escuela de Música Tradicional Llangréu n'Acuto, que fae un adelantu del programa pal cursu 08/09 na emisión del 9 de Septiembre de 2008.

Carlos Suari ye presentador d' ACUTO que emitese tolos martes na RPA a les cuatro y media la tarde pa tratar de les dances, los bailles, los xuegos y los deportes tradicionales d'Asturies.

Na semeya Carlos Suari
El díi 15 d' esti mes espublizaremos el programa completu pal cursu con nueves actividaes pal 10º Aniversariu de la escuela.

jueves, 4 de septiembre de 2008

Pepín de Muñalen nuevu profesor pal cursu 08-09


Tornamos de les vacacioes del branu entamando ya lo que sedrá el cursu 2008-2009.

Un de les novedaes pal cursu, ye la especialidá de FLAUTA TRAVESERA DE MAERA, pala que falamos con Pepe S. Menéndez "Pepín de Muñalen" que sedrá el profesor de l' asignatura.

Pepín ye un músicu per reconociu nel mundu folk a xuzgar pola cantidá de collaboraciones pa les que ye solicitau. Ye componente de TUENDA , LA BANDINA L'TOMBU y BRON.

Pa nos ye un privilexiu countar con Pepin col qu' esperamos deprender y trabayar per munchos cursos.

Si quies apuntate nes clases de Pepin o recibir más información pues
Escribir a: llangreumusicatracional@hotmail.com
o llamar al: 985 67 71 13


El díi 15 de Septiembre espublizaremos el programa completu pal cursu 2008-2009.

martes, 29 de julio de 2008

Marchamos de vacaciones


Cuanta ya que finó el cursu y marchamos, agora, de vacaciones, eso si, con la mente enllena de proyeutos que continuaremos al regreso.

En setiembre tornaremos y entamaremos lo que sedrá el cursu 2008/2009 que tendrá asignatures nueves y alguna que otra sorpresina.

Pasar un prestosu branu.

Escuela de Música Tradicional Llangreú
A.pp.aa. Conservatoriu Valle del Nalón

Semeya de Tuxi

viernes, 25 de julio de 2008

VIII Alcuentru bandes de gaites de Llangréu


Esti domingu díi 27 de Xunetu cellebrase el VIII Alcuentru bandes de gaites de Llangréu. Na presente edición participen:

Banda gaites Narancu.
Banda gaites Llariegu.
Banda gaites Rei Aurelio.
Banda gaites la laguna' l torollu.
Banda gaites Conceyu Llangréu.


L' alcuentru ta organizau pela Banda gaites Conceyu Llangréu y la Sociedá de Festexos Santiago. Les bandes concentraranse na Plaza l' ayuntamientu en Sama a les 18h. Dende ellí entamarán un pasucais dende l' ayuntamientu fasta la plaza Adaro y dende elli fasta el parque Dorado donde entamaran los conciertos a les 20h.

Enhorabuena pa los organizadores y suerte col tiempu, que de toes tará protexiu per una carpa dotada también de silles pa disfrutar de les bandes comodamente.


La BGCLL l'añu pasau nel alcuentru



lunes, 21 de julio de 2008

El XII Festival Intercelticu d’Avilés


Un añu más cellebrase el Festiva Intercéticu d' Avilés, que ta en plenu funcionamientu dende el 18 d' esti mes.
Aún se pue asistir a munchos eventos . Güei mesmu se puen ver amueses d' arte y pintura, una feria d' artesanía, música na cái con CLASAC IRISH DANCERS, un desfile de toes les delegaciones participantes, participar en xuegos y deportes populares, una taller de baille escocés y los conciertos de LANN BIHOUÉ, KORRIGANED PANVRID, MERZHIN y FALANUNCADUCA, y eso que güei ye llunes. Non dexeís d' asistir que non sabemos cuantes vegaes se repetirá esto.
La Banda Gaites Conceyu Llangréu tará presente na Marcha Celta y la Lluna Celta espectáculos estos que se cellebrén el vienres 25.


Programa completu del XII Festival Intercelticu d’Avilés
Consulta también fia.esbardu.org


miércoles, 16 de julio de 2008

2ª Edición del Trofeu Hermanos Cueli en Vidiago


La Asociación Cívico, Cultural y Deportiva de Vidiago entama la segunda edición del TROFEU HERMANOS CUELI pa pareyes de tambor y gaita. El concurso englobase dientro d' una xornada campestre qu' entamase cada añu en feches cercanes a la fiesta de La Sacramental de Vidiago y que cuenta con diferentes actividaes. Esti añu ye el Domingo 24 de agosto a las 11:00h.
Más información na páxina web oficial

Dende equi suerte col tiempu y la meyor de les enhorabuenes pa la organización pol so trabayu.

lunes, 14 de julio de 2008

Gaiteros de cinco países protagonizen una conferencia y conciertu los díes 21 y 22 de Xunetu




La Escuela Internacional de Música de la Fundación Principe Felipe d' Asturies xunta una representación de los meyores gaiteros del mundo. La cita ye n'Uvieu los próximos díes 21 y 22 de Xunetu, y faese con motivu del entamu de los XIII Cursos de la Escuela Internacional.

La gaita, un de los instrumentos de música tradicional más extendidos y asentaos nel mundo, sedrá la protagonista d' esti alcuentro internacional que constará de dos actividaes fundamentales: una conferencia y un conciertu.

Como exponentes de les principales modalidaes de gaita universal acudirán a Uvieu los músicos:

Fred Morrison (gaitas Highland y Border, Escocia)
Jarlath Henderson (gaita Uilleann, Irlanda)
Jurak Dufek (gaida, Eslovaquia)
Anxo Lorenzo (gaita gallega)
Xuacu Amieva (gaita asturiana).

El conciertu contará además cola actuación de Marie Le Cam (gaitas Biniou Koz y Braz, Francia), como solista, y acompangada también de la Banda de les Fuerzes Aeronavales de Francia, la Bagdad Lann-Bihoué, de la que ye direutora.

La víspera del conciertu cellebrarase una conferencia a cargu de estes seis grandes figuras de la gaita, qu' abordarán individualmente la descripción de los sos respeutivos instrumentos, tras lo que seguirá una breve intervención musical. La conferencia sedrá moderà por Xuacu Amieva, profesor de gaita asturiana y conxuntu de música Folk na Escuela Internacional de Música. La conferencia tendrá llugar el llunes 21 de xunetu, a les 20,00 hores, na Sala de Cámara del Auditoriu Príncipe Felipe d' Uvieu.

Al díi siguiente, martes 22 de xunetu, cellebrarase un conciertu, nel que xuntaranse ocho de les modalidaes más interesantes de gaita procedentes de los seis países más representativos. El conciertu tendrá llugar nel Auditoriu Príncipe Felipe d' Uvieu, a les 20,00 hores. L' entrada sedrá llibre fasta completar l' aforu.

Biografías de los gaiteros


Fonte: WEB Escuela Internacional de Música de la Fundación Principe Felipe d' Asturies

jueves, 10 de julio de 2008

49 Grupos folk participen nel concursu de Navelgas




Ya tan a puntu en Navelgas pal Campeonato Mundial de Buscadores de Oro y el Concurso Internacional de Folk. 49 Grupos participen na presente edición que promete una gran final.

EQUI EL PROGRAMA COMPLETU:

Martes 22 de julio

18:00 h. Desfile inagural del Campeonato del Mundo de Buscadores de Oro , con la
participación de todos los paises inscritos , Banda de Gaitas Ciudad de Oviedo , Banda
de Gaitas Tabladar , Banda de Gaitas y grupo de baile Sulabarda , Transhumancia
Vaqueira , performance de esclavos y romanos , etc…
21:00 h. Noche temática asturiana
Anabel Santiago + Jorge Tuya + Valentín Fuente
Colectivo Muyeres
La Bandina´l Tombo.
Tejedor + Banda de gaitas Tabladar.

Miércoles 23 de julio
21:30 h: Bailes populares de acordeón

Jueves 24 de julio
21:30 h. Orquesta Dominó

Viernes 25 de julio

22:00 h. Final del Concurso Folk “Cuartu los Valles” (49 participantes a concurso)
Avelaiña (Pontevedra)
Ginga (Portugal)
S´albaida (Menorca)
01:00 h. Concierto : Los Niños de los Ojos Rojos

Sábado 26 de julio
22:00 h. Concierto : La Shica
24:00 h. Concierto : La Madre que los Parió.

Contactos:
Campeonato Mundial de Buscadores de Oro.
Alba Iglesias (Museo del Oro de Asturias)
985 80 60 18 info@museodeloro.es www.navelgasoro.com
Concurso Internacional de Folk
César Castaño
625 33 00 71 www.navelgasfolk.com

FONTE: Organización

miércoles, 9 de julio de 2008

Xornaes monográfiques de la pandereta



El Muséu del Pueblu d'Asturies organiza, esti fin de selmana del 11 de xunetu, l'alcuentru "Pandereteres"; xornaes monográfiques qu'esti añu tarán dedicaes al mundu de la pandereta.

FONTES:
ASTURIES.COM
FOLKENLARED

miércoles, 2 de julio de 2008

El Grupu Reija fai foru


El Grupu Reija de Llangréu entama un foru dedicao a la llingua y cultura asturiana. Temes como la vistimienta, los bailles tradicionales, les nueves y una montonera d' apartaos ocupen les distintes secciones del foru. Un puntu d' alcuentru na rede altamente recomendable.

Puese facer rexistro nel mesmu dende equi: http://eyfasturiano.mforos.com/

viernes, 27 de junio de 2008

Cursillos de branu




Esti branu daranse cursillos aplicaos de gaita asturiana, mecánica de la gaita y tambor. Les clases son particulares y danse individualmente dos veces por selmana durante el mes de Xunetu. Cada clase tien una duración d' una hora.
Los cursillos da
n respuesta a xente que quier un aniciu na especialidá o pretendi meyorar aspeutos concretos de teunica o repertoriu y que dende llargo nos bien solicitando.

El ñumeru d' alumnos ye limitáu.

También queda abiertu el plazu d' inscripción pal cursu 2008/2008, ambes coses puen consultase nel
985 67 71 13
o nel e- mail llangreumusicatradicional@hotmail.com

lunes, 16 de junio de 2008

Conciertu fin de cursu


Esti sábadu 21 de Xunu cellebramos el tradicional conciertu fin de cursu. Del programa orixinal pal cursu quedaron coses nel tineteru, como sempre por falta de presupuestu, que la escuela consigue de les cuotes d' alumnos y subvenciones del Ayto. de Llangréu y la Conseyería d' Educación y Ciencia del Principáu d' Asturies a les cuales agradecemos la so collaboración. Loxicamente los recortes entamaron peles activadaes complementaries tipo talleres fin de selmana, protexiendo les asignatures, clases de conxunto y otres especialidaes semanales.

"La zanfona", "El baille a lo sueltu na Cuenca Minera", "Acompañamientu de gaita na Canción Asturiana", "Teuniques pal trabayu de campu, "La pareya de gaita y tambor na Fiesta" y "Mecánica y mantenimientu de la zanfona" foron proyeutos que non vieron la lluz nesti cursu, pero que tan los primeros na llista pal del 2008/2009.

Queda también pendiente pal añu que bien visitar la Segundo Olaeta Musiko Eskola en Gernika, faciendo amuesa de la música d' Asturies nel País Vasco, de la mesma forma que ellos ficieron con nos nes Xornaes que mos dedicaron.

Otros talleres que si se realizaron foron:

Hestoria de la Música Folk n' Asturies
(14-6-08)

Xornada d' estudiu de la Música Tradicional nel País Vascu.
(7-6-08)

Taller de teunica vocal pa interpretes de Canción Asturiana y pandereteres.
(26-4-06)

Mantenimientu del tambor Asturianu.
(17- 11-07)

Impartios por Alberto Ablanedo, Maiteder Olano, Iñaki Xavier Olano, Ana Abio, Begoña Calleja, Carlos Do Viso y Manuel Duran respeutivamente.

También se entamaron especialidaes nueves como XIPLA, pa la que Luis Mondelo fai ruta ca vegada dende Lleón y que la nuesa escuela ye la única n' Asturies n' ofertala e impartila.

ZANFOÑA con Hector Braga, CURDIÓN con Xose Ramón G. Navia, ANICIU NA MÚSICA TRADICIONAL con Fani Moro, PANDERETERES con Laura Ruiz o CANCIÓN ASTURIANA con Begoña Calleja foron otres de les especialidaes nueves con éxitu.

Sigueron con éxitu les asignatures de años anteriores como GAITA con Chus Solís, MECÁNICA DE LA GAITA con Pelayo Fernández oTAMBOR ASTURIANU con Chema Fombona, ademas de los COMBOS de BANDA GAITES, PAREYA y BANDINA.

Otres especialidaes que non tuvieron éxitu foron ENSAME FOLK, BANDURRIA y CANCIÓN y BAILLE A LO SUELTU pero que nel próximu cursu intentaremos ofertar y promocionar.

Seguimos paralelamente, trabayando polos proyeutos del Grupu d' Estudios Etnográficos y el Taller de datación y recuperación d' instrumentos musicales, también queremos meyorar l ' Archivu Sonoru con una web esclusiva con una sección pa partitures y estudios, nel próximu cursu veremos el desenllace

De momentu, que non ye poco, queda el trabayu realizau nesti añu y del que se amuesa gran parte nel presente Conciertu Fin de Cursu.

La A.pp.aa. Conservatoriu Valle del Nalón.

Escuela de Música Tradicional Llangréu
A.pp.aa. Conservato
riu Valle del Nalón.
CONCIERTU FIN DE CURSU
Auditoriu de Cámara del Co
nservatoriu Valle del Nalon
21 de Xuno de
2008 - 17h.
Entrada llibre.

PROGRAMA

HECTOR
BRAGA
Band
urria

ALUMNOS DE ZANFONA

F. JAVIER GARCÍA
Canción Asturiana

ALUMNOS DE XIPLA y TAMBORIL

ASIGANATURA D' E
NSAME FOLK
Pelayo Fernandez y Alberto Ablanedo- Duo de Uilleann pipe y buzuqui.

ASIGANTURA DE PANDERETA Y BAILLE ASTURIANU

ALUMNOS D' INICIACIÓN A BANDA GAITES

LEONTINA IGLESIAS- VALENTÍN FUENTE
Canción Asturiana - Gaita

ALUMNOS D
E CURDIÓN.

ADRIÁN MUÑIZ y FANI MORO
Pareya gaita y tambor - Campeones de Concursu de la Nueva 2008.

BANDA GAITES LLANGRÉU sección B

BANDA GAITES LLANGREU sección A

ASTURIES PATRI
A QUERIDA
Con todos los alumnos de la escuela.

Pincheu y pieslle del cursu 07/08
.

http://www.radiolangreo.com/programas/xipla/xipla.wma


Más pal Folk d' Asturies.

Fino' l taller de Hestoria del Folk n' Asturies, con más bien poca asisitencia.

De toes el taller fue per interesante con audiciones ineditas, fasta de discos de pizarra de gaiteros (material de Pepin), otres curiosidaes y grabaciones mitiques de los grupos punteros asturianos.

Un de les conclusiones sobre' l Folk asturiano ye la asignatura pendiente que tien sobre la Canción Asturiana, entendiendo como música folk unos parametros ,acordaos nel taller y basaos na tendencia y corrientes que se xeneraron n' Asturies dende finales de los 70 y principios de los 80.

Tambiés se falo de la necesidá de nueves formaciones que refresquen el panorama folki como de muches otres coses que faen falta, el casu ye que mentres consumiamos el tiempu destinau al taller, más nos dimos cuenta de la necesidá d' una asignatura sobre el Folk pa la escuela pa facer estudiu y bibliografía del xéneru.

De momentu Alberto comprometese pa que ofertemos l' asiganatura pal próximu cursu 08/09. Esperemos que tenga meyor acoyida.

Un de les coses que se pretenderán como novedá y complementu de l' asignatura, ye preparar les formaciones pa presentales a concursos, dedicar una parte del curso a teuniques y trucos pa la sonorización y meyora del soníu en direuto y equipar un aula col material necesariu pa l' actividad (bateria, equipo, etc.)

Por nuestra parte nun faltarán esfuerzu y trabayu.

Alberto fai resume de lo que foi' l taller dende el so blog.

lunes, 9 de junio de 2008

Averamientu na Hestoria de la música Folk n'Asturies


Esti 14 Xuno de 2008, cellebramos el taller "Averamientu na Hestoria de la música Folk n'Asturies" qu' imparte Alberto Ablanedo.

El taller ye una muestra de l' asigantura de Ensame Folk que ofertose nel entamu d' esti cursu 2007/2008 pero que non se pudo realizar por falta de alumnao.

El filu conductor pal conteníu del taller son les audiciones que non solo van provenir de discos/cds, sino también de maquetes y direutos e incluso d' algo de material inédito, el oxetu ye tresmitir la perspectiva hestórica de más de 20 años de folk n' Asturias y facelo de forma amena, atractiva y divertida.

Pa xunto les audiciones tendranse en cuenta y complementaranse los seguientes puntos:
  • Datos hestórico-biográficos de los grupos.
  • Discografíes.
  • Evolución en formatos (duos, trios, grupos).
  • Evolución na instrumentación y na téunica interpretativa.
  • Influencies de dientro y fuera d' Asturies.
  • Presencia de las diferentes formes musicales d' Asturies nel folk (muñeires, saltones, jotas y demás).
  • Presencia e influencia de los diferentes formatos (tonada, bandes de gaites, coros, baille...).
  • Canciones vs. temas instrumentales.
  • Efecto de la industria discográfica n' Asturies.
  • Anécdotas y datos de interés.
En definitiva el taller ye un gran trabayo d' Alberto Ablanedo tan bueno como lo que nos tien aconstumbraos a lleer dende el so BLOG.

La sesión entamará a les 17h. nel Conservatoriu Valle del Nalón.
Les plazes son llimitaes siendo el preciu de 15 euros y 10 euros pa los alumnos de la escuela.
El plazu d' incripción fina el xueves a les 20h. y puen facese nel teléfonu 985 67 71 13 o nel e-mail: llangreumusicatradicional@hotmail.com

Una xornada de lo más prestoso



"Xornada d'estudiu de la música tradicional nel País Vasco"
7 de Xuno de 2008

Esti sábado a eso de les 21h pusimos puntu final a la que foi un de les más prestoses xornaes d' estudiu que fixieremos na escuela y qu' entamara sobre les 10h.



Collacios nuestros son ya Andeka, Ana, Iñaki Xavier y toes les neñes de la Segunda Olaeta que nos visitaron. Tamos especialmente agradecios a Maiteder Olano, que foi la persona que más trabayo, andechando con nos na realización d' esti alcuentru faciendolu posible. GRACIES FONDERES


Dende el taller d' Aurresko pasando pel d' Alboka, trikititxa y txistu, fasta el conciertu didáuticu, los de la "Segundo Olaeta" demostraron el gran nivel de la so escuela en toes les disciplines que nos amosaron.


Nel próximu cursu 2008/2009 devolveremos la visita a la "Segundo Olaeta" faciendo amuesa de la música d' Asturies en Gernika, fasta entós AGUR.







La Segundo Olaeta


Taller teóricu-práuticu d' Aurrescu