sábado, 28 de febrero de 2009

Banda gaites Hardcore punk

Esti vienres díi 27 los alumnos de l'actividá d'agrupación de Banda Gaites fixeron una actuación poco común, la intro pal conciertu de "Escuela de Odio" que se cellebro na Sala Albeniz en Xixón.

El conciertu foi grabáu pa la edición de ún DVD conmemorativu que la veterana banda llangreana de Hardcore piensa editar pa cellebrar los sos 15 años d'esisitencia.

Anque, por falta espaciu nel escenariu non participaron tolos alumnos de Banda Gaites que son más de una treintena, la experiencia foi de lo más sorprendente con solu de "gaitarra" y con tolos asistentes cantando l' Himnu d' Asturies.

Gracies a la xente de "Escuela de Odio" que portaronse con nós de lo meyor.

Na semeya el grupu cola banda nos camerinos n'antes de salir al escenariu

jueves, 5 de febrero de 2009

QUE CRISIS!!!!


Crirsis pallabra en boca de tola xente a toles hores. Na música tradicional non podía ser d'otra fomar también CRISIS.


Esti añu facemos 10 d'activu y aunque tamos preparando delles actividaes pal aniversariu non queremos dexar de llau los talleres de fin de selmana que tanto presten a propios y axenos a la escuela polo que tamos baraxando facer varios aunque non tenemos claro por cuales decantanos, dexamos por eso una encuesta pa que nos faigais ver les vueses preferencias y escoyer asina talleres d'abonda participación y poucas perdidas.


Estes son les propuestes:


Aniciu nel bodhram

con Manuel Cordero, taller de cálter práuticu de 3 hores de duración.


Mecánica y mantenimientu de la zanfoña

con Daniel Rozada, aniciu nos detalles d'afinación, pequeñes reparaciones, etc.


Mecánica y mantenimientu de la flauta travesera

con Marcos Llope, pa enteder el so funcionamientu y sacái el máximu partía al instrumento.


Téunica vocal aplicá na música tradicional

con Begoña Calleja, segunda parte del taller del añu pasáu que gozó de la máxima participacion nos cellebraos nesi curso.


La Toná, xéneros, interpretes y evolución

con Ismael Arias, pa introducinos nel mundo de la toná y los sos interpretes.


Xornada d'estudio de la música tradicional Mallorquina

con Josep A. Cifre, una Xornada con una ponencia d' introducción na música tradicional Malloquina y dos talleres monograficos de cálter práutico sobre la Xeremía y el Flabiol.


L'acompañamientu de gaita na Toná

con Valentin Fuente qu'afondará nes teuniques d'acompañamientu de gaita na Toná.


Tambor y gaita nel contextu de la fiesta

con Valentín Fuente, dende l'alborada, pasando pol acompañamientu de cabezudos, ramos o mayordomos, la musica na liturgia y dende lluegu el baille a lo sueltu. Un taller de tres partes analizando el repertoriu, usu y protocolo.


Mecánica y mantenimientu del Tambor

con Mauel Duran, sacar cuerda, camudar un parche, facer un apreton o unes retañes son coses que tolos tamboriteros deberien saber.

Calendariu del Reija


Un añu más, aunque un poco metios nel añu, el Reija fai un trabayu per guapu col so calendariu promocional con semeyes de lo más prestosu y que también permite la descarga dende la so web www.reija.as como sempre ta fechu colos miembros del grupo que faen les veces de modelos, una idea guapa y prestosa que tien además l'aceptación del público.

"V MERCAU TRADICIONAL VALLE'L NALÓN"


El grupu folklorico "Blimea" anda nestos díes trabayando na preparación el "V MERCAU TRADICIONAL VALLE'L NALÓN" a cellebrar los díes 8,9 y 10 de mayu en Sienra (Blimea) y pa estes y otres noticies sobre el grupo entamen un blog gfblimea.blogspot.com onde ún podrá seguir de primera mano toes les actividaes y propuestes d'esta entidá.


Un abrazu y norabuena, dende equi, a tol grupu pol so facer.