Morrió Ignaciu Noriega "Gaiteru San Roque"

Esta madrugada dexonos ún de los grandes de la vieya escuela. Mañana díi 7 a las 16,00h en San Roque L'Acebal sedrá enterráu'l gaiteru San Roque, con el una parte de la nuesa cultura popular E.P.D.

Congreso "El patrimonio Oral de Asturias"

Descarga el programa en PDF con tola información EQUI

Presentación del discu TOMAS DE LA GÜERIA‏

HOMENAXE DE LA MÚSICA ASTURIANA A TOMÁS DE LA GÜERIA
(1923-2008)

Presentación del CD doble col so repertoriu de curdión de botonera editáu pol Muséu del Pueblu d’Asturies

Domingu, 4 d’ochobre de 2009
19 h.
Auditoriu de la Casa Cultura de Mieres del Camín


Participación de músicos de
TEJEDOR, FELPEYU, TUENDA. LA BANDINA, ANABEL SANTIAGO, LA CURUXA, HERBAMORA, GATOS DEL FORNU, VERDASCA, PATRIBAND FOLK ORL.LESTRA

Presenta
XOSÉ AMBÁS

Fonte/Unvíolo: Múséu de la Gaita

L'ensame de la escuela na "Noche Blanca" n'Uvieu

Les ciudaes d' Uvieu, Xixón y Avilés cellebren el 3 d'Ochobre por primera vez la "Noche Blanca", ún de les iniciativas programaes pel Gobiernu del Principau d'Asturies p'algamar la candidatura a la "Capital Cultural Europea 2016".

Ente la bayura d'actividaes propuestes ún ye l'apertura del Museu de Bellas Artes d'Asturies acompangando les sales con propuestes de música y danza rellacionaes colos temes de les galeries.

Parti del ensame de musica tradicional de profesores de la nuesa escuela participará n'apertura del museu faciendo una propuesta de reellaboración de música popular nel palacio central de la segunda planta onde s'acueye una seleución de la obra de los más cellebres y populares pintores asturianos: Evaristo Valle y Nicanor Piñole.

Formarán l'ensame; Héctor Braga (voz, zanfoña, bandurria, gaita y vigulin), Pepín de Muñalén (flauta travesera), Chus Solís (gaita, curdión y percusiones) y Alberto Ablanedo (Guitarra y bouzouki) l'horariu ye de 22h fasta les 02:00h.

Descargar archivu: La_Noche_Blanca_2009.pdf (1 KB)

.

ENTAMEN LES CLASES

Esti sábadu díi 3 d'Ochobre Entamen les Clases na Escuela de Músicia Tradicional "LLANGREU".

Esta ye la ufierta pa esti cursu:

INSTRUMENTALES:
Tambor Asturiano - con Chema Fombona.
Baille Tradicional Asturiano - con Sergio Velasco.
Gaita Asturiana - con Chus Solís.
Guitarra Folk - con Alberto Ablanedo.
Bouzouki - con Alberto Ablanedo.
Flauta Travesera de Maera - con Pepín de Muñalén.
Acordeón de botones - con Xose R. Navia.
Tonada Asturiana - con Anabel Santiago.
Zanfoña - con Héctor Braga
Bandurria y Cantares - con Héctor Braga.

COMUNES:
Llinguaxe Musical - con Héctor Braga.
Folklore - con Héctor Braga.

OTRES:
Monólogu Asturianu - con Carlos Alba "Cellero".
Averamientu activu a la cultura asturiana - con Carlos Suari (pa neños dende 3 años).
Xuegos y deporte tradicional pa neños y neñes - con Carlos Suari.
Xuegos y deporte tradicional p'adultos - con Carlos Suari.
Mantenimientu de la Gaita - con Pelayo Fernández.

GRUPALES:
Gaita y tambor.
Gaita y tonada.
Gaita tambor y baille.
Orquestina Tradicional.
Banda Gaites.
Grupu Folk

Pa pidir información o p'apuntase a ún cursu:
Tlfnu.985 67 71 13

Descargate'l PDF con tola información equi.

Averamientu activu a la cultura asturiana

Dende fai tiempu recibimos munches solicitues de padres de neños d'ente 3 y 6 anos p'apuntase a los cursos de gaita, zanfona, asturianá, etc, el casu ye qu'estes discipilines tornense muy dificiles pa neños tan pequeños. Agora gracies a Carlos Suari, que foi quien preparo el programa, podemos ufiertar una especialidá pensá exclusivamente pa los más pequeños.



El cursu d'averamientu activu a la cultura asturiana empobínase a neñes y neños pequeños que quieran dir conociendo poco a poco los elementos fundamentales de la nuesa tradición d'una forma activa. El cursu, que pretende ser una ponte colos demás cursos de la escuela, ye un sumatoriu de talleres selmanales mui divertíos onde vamos dir enseñando los aspectos más xenerales del xuegu, la llingua, la indumentaria, los oficios, la música... too ello en clave infantil. Amás, los participantes van tener la oportunidá de visitar los cursos de "los mayores", pa d'esa manera, familiarizase con tolo que'l día de mañana pueden llegar a deprender. (1,5 h. / selmana).

Si quies apuntate a les clases con Carlos fae la to inscripción nel 985 67 71 13

Xuegos Tradicionales pa neños/es y adultos

Semeya de Luis Vigil.

El xuegu ye ún de les formes de rellación social y transmisión de cultura tradicional que denden bién neños se pue entamar.

Nel nuesu tiempu, nel que cada vez ye más difícil ver neños/es xugando pela cai o práuticando deportes que nun ten complementáos con un parque un cacharru ellectrónicu u otros artilugios , paeznos importantisima la recuperación d'aquellas actividaes lúdiques que compartíen les comunidades de xeneraciones anteriores y que tantu servíen pa les reellaciones sociales y pa caltener la cultura y saber tradional de los nueso.

Por todo esto n'esti cursu 09/10 facemos apuesta polos xuegos y deportes tradicionales con un ufierta tanto pa neños/es como p'adultos.

Carlos Suari ye ún de les persones más capacitaes y formaes na materia y la persona adecuá pa llevar a cabo esta propuesta.

Les actividaes:

-El cursu de xuegos tradicionales p’adultos empobínase a una población variao que, como base, presenta bona gana de pasalo bien y reflexonar sobre la importancia de lo lúdico nel nuesu patrimoniu cultural. Por eso, toa persona con interés na tradición asturiana va tener la oportunidá de recibir otru puntu de vista sobre una estaya davezu escaecida y maltratada. Amás, perfiles profesionales como’l d’animador/a sociocultural, monitor/a de tiempu llibre, maestra/u o profesor/a, van sacar bon rendimientu d’esti cursu que tamién va tratar del significáu y la bayura lúdica asturiana, del so orixe y la so posible aplicación na sociedá actual. (2 h. / selmana)

-El cursu de xuegos tradicionales pa neños/es tien como oxetivu la recuperación d’estes manifestaciones lúdiques pa la vida y el desarrollu de la xente más mozo. Pieces bien estremaes de la nuesa tradición xugada van tar presentes nesti cursu que de la que colabora nel deprendimientu motor de les y los guah.es, esconsona’l so interés pol conocimientu y el dominiu d’estos xuegos, abriendo un camín d’autoestima pa cola cultura asturiana, pal diálogu interxeneracional sobre los nuesos raigaños. Too ello pasándolo mui bien y sudando un poco la camiseta. (1,5 h / selmana).

El profesor:

Carlos Suari llicencióse en ciencies de l’actividá física y del deporte en 2006 y continuó la so formación universitaria en ciencies de la educación y n’antropoloxía social y cultural. Perteneció a la primer y única xeneración de monitores y árbitros de deportes tradicionales na correspondiente federación onde tamién exerció como docente. Autor y coautor de dellos llibros y artículos nesta materia, participa de contino n’actividaes d’investigación, formación y divulgación del xuegu tradicional. Dientro de la RTPA dirixe dos programes selmanales nos que la motricidá tradicional ye prioridá.: ¡Acuto! y A galmiaes.

Si quies apuntate a les clases con Carlos fae la to inscripción nel 985 67 71 13

Novedaes pal Baille Tradicional Asturiano.

Nuevu profesor pal Baille Tradicional Asturianu, en collaboración cola EMDT de Noreña.

L'Actividad:

El cursu de baille tradicional tien como finalidá l'averamientu a los bailles y dances tradicionales d'Asturies, la parte del folclor musical que tien como preséu de trabayu el propiu cuerpu. Trabayaráse la motricidá, el ritmu y conoceránse los distintos tipos d'espresión coreográfica que se dan a lo llargo de la xeografía asturiana.

El Profesor:

Sergio Velasco Granda (Uviéu, 1981) pertenez dende 1999 a l’asociación folclórica La Hedra, de San Esteban de les Cruces (Uviéu) y dende’l 2000 al colectivu d’investigación y divulgación del folclor asturianu L’Andecha Folclor d’Uviéu, del que ye director d’ensayos dende 2008. Tien el grau elemental na especialidá de baille tradicional de la escuela municipal de música y danza tradicional "Manolo Quirós" d'Uviéu (2004-2008). Punxo clas de baille tradicional nos cursos especiales de branu qu’entamó la banda gaites “Villa de Xixón” en 2005 y 2007 . Ye tamién autor del blog El traxe d’aldeana, dedicáu a la Historia de los traxes tradicionales y populares nel Oriente d’Asturies.

Si quies apuntate a les clases de Baille con Sergio Velasco contáuta con nos nel:

985 67 71 13

Serie de semeyes de la grabación con Escuela de Odio

Serie fotográfica de la collaboración (Intro) pal DVD-CD "Que nada nos pare" de Escuela de Odio grabau na Sala Albeniz el 27 de Febreru de 2009.

http://www.flickr.com/photos/emtnorena/sets/72157622327267267/

Gracies a la EMDT de Noreña pola so collaboración y poles semeyes.

CURSU MONÓLOGU ASTURIANU

CURSU MONÓLOGU ASTURIANU
Dende Ochobre de 2009 a Xuno de 2010
Con Carlos Alba "Cellero"
2 Hores selmanales - 50 euros/mes.



El cursu de monólogu asturianu va empobinau a tolos aficionaos a esti xéneru cómicu asturianu. Nun ye necesaria esperiencia previa p´apuntase.

Trabayarase la espresión corporal y la creación de personaxes con téuniques teatrales. Apostarase tamién por animar a la escritura de testos. Y, sobre too, vais pasalo bien.

Profesor: Carlos Alba "Cellero". Actor y monologuista. Combina la recuperación de la tradición con la escritura de monólogos sobre temes d´actualidá. Tien publicau el llibru "Del chigre".

Pues apuntase a les clases de Monólogu dende el
985 67 71 13

Novedaes CURSU 09-10

Dempués de les vacaciones de branu tamos ya dende fai unos diis trabayando na programación del cursu 09-10.

Como novedaes más destacables tenemos una nueva especialida qu'aunque ta más rellacioná cola escena que colo musical, pensamos ye interesante por tar rellacioná cola canción narrativa y la llingua asturiana y sobre todo por non existir n'Asturies nengún sitiu onde se imparta. Les clases con Carlos Alba popular pol so personaxe de "Cellero" ta claro ya que tan dedicaes a los MONOLOGOS.

Per otru lláu tenemos nuevu profesor pal BAILLE ASTURIANO, Sergio Velasco de la Andecha Folclor d'Uvieu al que tamos ya agradecios poles ganes con que garra esta tarea, na que de xuru tendrá bonos resultaos.

Otra novedad ye l'ampliación d'horarios al Centru de la Cultura Asturiana en Llángreu "Casa de los Alberti" na qu'estableceremos parte de les nueses actividaes rellacionaes cola llingua asturiana como la nueva de Monologistas con Carlos Alba o la de Tonada con Anabel Santiago. Dende equi gracies fonderes a l'Ayuntamientu de Llangréu y a los reponsables del Centru pola so collaboración.

A lo llargo d'esta selmana espublizaremos más información de la ufieta pa esti cursu, de toes esti sábadu saldrá na Nueva España, edición de les Cuenques, tola información.

De momentu cualesquier consulta o reserva ya se puede tramitar dende'l 985 67 71 13.

Conciertu fin de cursu nel Youtube

Gracies a Jose "Texois" que foi quien grabo'l conciertu fin de cursu y punsiolo nel youtube. El conciertu foi na Casa los Alberti, Centru de Cultura Asturiana de Llangreu, el 24 Xuno de 2009.

El restu vidios puen alcontrase nel canal de Texois :
http://www.youtube.com/profile?user=texois&view=videos

O Berce das Palletas

O xoves 25 de xuño, ás 19:00 horas, preséntase no Auditorio da e-Trad a publicación O BERCE DAS PALLETAS: Método de construción de palletas e pallóns.

Este traballo, con textos e ilustracións de Xoán Ramón Marín, enmárcase dentro da liña de difusión e posta en valor da tradición cultural galega na que traballa a Asociación de Gaiteiros Galegos. A dito acto asistirán Xoán Ramón Marín, autor do traballo e membro da Xunta Directiva da AGG; Cándido Meixide, en representación da distribuidora Arnoia; e representantes da Asociación de Gaiteiros Galegos, para falar do traballo e contestar ás preguntas dos asistentes.

Unvionoslo: e-Trad

Gracies a la "Segundo Olaeta"

Baxu´l Gernika

Gracies a los collacios de la "Segundo Olaeta" de Gernika pola foma na que nos trataron, foi un de los intercambios más prestosos que fiximos y del que de xuru guardemos un gratu recuerdu de por vida.

Ún de les coses que mas nos presto foi la fiesta fin de cursu que la "Segundo Olaeta" tenía preparado pa los sos alumnos que foron pasando dende les 17h. fasta les 24h. y ye que ye d'impresión la cantidá d'especialidaes que ufierta la so escuela y la cantidá d'alumnos que les estudien, unos 500 más menos.

Banda de música, banda de Txitulari con escolinos, combos de musica tradicional, folk, rock,cuerda, clásica, etc.... una autentica pasada, foi d'impresión. Dempues los más pequenos de la escuela desfrutaron d'atracciones y fasta d'una fiesta de la espuma. Nós actuamos cola bandina primero de los combos de Rock.




Dempués de los conciertos y la cena visitamos un edificiu ocupáu po'l movimientu de centros sociales u okupa "Gaztetxe", esti movimientu que ya entamara nos años 80 anició'n Gernika na antigua fabrica d'armas pasando más tarde a les escueles publiques, anguañu el movimientu "Gaztetxe" tien un entendimientu col Ayuntamientu qu'además de cedeyos les instalaciones pagen-yos la lluz y l'agua. El trabayu desarroyáu polos Gaztetxe ye impresionante, tienen bar, escenariu pa conciertos, talleres de tou tipu, emisora de radio, albergue, etc... y lo más impresionante ye que ta tou autoxestionáu per ellos mesmos sin ningún otru tipu d'ayuada o sofitu más que lo citáu anteriormente. Queda claro qu'esti movimientu ta vivo en Gernika y que la so mocedá ta comprometía a trabayar pela so cultura sin falta de subvenciones de les administraciones o contrapartides municipales.

Eso foi lo acontecíu de vienres, el sabadu na mañana ofrecimos una charla-aderique sobre la música e instrumentos musicales d'Asturies por Pepín de Muñalen y Chus Solís que tamién dexaron a los de Gernika facer los sos pinitos coles gaites y les flautes, dempués nel medioudíi fiximos xuntos una Kalejira onde alternamos la banda gaites de la escuela cola fanfarria de la sulla. Percorrimos Gernika de chigre en chigre de plaza en plaza actuando unos primero otros dempués, tomando un culin equí otru allá aunque nel tema la sidra si echamos de menos non tar n'Asturies (todo hay que decilo). Ya na tardi vitamos el Museu de la Paz inspiráu nel bombardeu de Gernika, ún de les coses que más nos impresionó foi una estancia "La casa de Begoña" que reproducia una habitación nos años 30, n'ella una muyer falaba de lo que trabayaría nel díi de güey, de les coses de la vida y de pronto'l bombardeo y unu mesmo (el visitante) apaez cubiertu d'escombros, puese escucar un poucu na visita virtual que ufriez el muséu pero dende lluegu lo meyor ye visitalo.


Ya na "Segundo Olaeta" les últimes impresiones n'antes de colar, Pepín fexu de les suyes cola Alboka y dexaronnos impresionaos cola téunica de la Trikititxa, abrazos, despedies y ganes de repetir.




Gracies fonderes a la direutora de la "Segundo Olaeta" Itxaso Aranda qu'en tou momento nos atendio y acompaño y especialmente a Ana Abio y Maiteder Olano que son les persones que más fixeron per estos intercambios.

AGUR, y fasta sempre.

La bandina nel concietu fin de cursu

Toes les semeyes del viaxe nel espaciu de flickr de Lujo4131

http://www.flickr.com/photos/lujo/sets/72157619936310065/

La "Segundo Olaeta"

La Segundo Olaeta

Conciertu fin de cursu na Casa de los Alberti

Güei na Casa de los Alberti fecha Centru de cultura asturiana en Llangréu, sedrá l'escenariu del conciertu fin de cursu de la escuela.

Nel conciertu intervendrán los alumnos de la escuela y los sos profesores:

Anabel Santiago
Tonada

Chus Solís
Gaita

Héctor Braga
Bandurria y zanfoña

Pepín de Muñalen
Flauta

Chema Fombona
Tambor

Alberto Ablanedo
Bouzouki

Xoxe Navia
Curdión

L'actu entamará a eso de les 19h. dempués del conciertu ofreceremos un pequeñu pincheu a los presentes.
Previu al conciertu, a eso de les 18:30h fadremos una visita a la exposicion que sobre indumentaria tradicional tien fexo l'Agrupación Reija y a la de curdiones de botonera que ta de forma intinerante.

"BANDINES" nel Muséu la Gaita

San Xuan en Noreña

Foguera de San Xuan 2009
Noreña nel Parque los Riegos

19h.Pasucais,
con pareyes de gaiteros y cabezudos.

19h. Xuegos tradicionales pa neños
dende 6 años con monitores de l'Asociación “Espora”
Entamaranse partíes de:

tiru al palu
llanzamientu de barra
liriu
carrera de panolles y llecheres
pasabolu
y otros xuegos de siempre... (sorpresa)
Tolos neños/es participantes recibirán un revoltixu de llambionaes.

20h. Festival de Canción Asturiana
con los alumnos de la escuela de música tradicional de Noreña.

21h. Atracciones infantiles gratuites
Xardín de boles y Castiellu Hinchable, dende 3 años.

21h.Actuación Orquesta Kristal con Tino Fombona.1er. Pase

22h. Actuación del conxuntu musical “Ensame Folk “
con Anabel Santiago, Héctor Braga, Pepín de Muñalén, Alberto Ablanedo, Chus Solís y Chema Fombona.

24h.Encendíu la foguera Traca y entamu de la Danza de San Xuan.

24:30h.Actuación Orquesta Kristal con Tino Fombona.2º y 3er. pase.

En casu lluvia traslladaranse les actividaes al patiu del Colexu “Villa Condal”

100 Años d'Asturianada´l díi dempués

ROMERÍA NEL MUSÉU DEL PUEBLU D'ASTURIES‏

Una cellebración per guapa a la que non se pue faltar sobremanera si yes de Xixón.
Clica nes imaxenes pa veles en grande.

Viaxe a Gernika

El 19 y 20 de Xuno dientro del intercambiu cultural cola Segundo Olaeta Musiko Eskola los profesores y alumnos de la EMT Llangréu viaxaremos a Gernika, donde participaremos nel so conciertu fin de cursu.

La segundo Olaeta visitomos l'añu pasáu cola que organizamos una Xornada d' estudiu de la música tradicional nel País Vasco.

Pieslle a les Xornaes de Música na Cai en Noreña

Esti sábadu día 13 de Xuno piesllense les I Xornaes de Música na Cai "Noreña pola Música d'Asturies" pa finar tendrá llugar una amuesa de Flauta Travesera:

La flauta travesera n'Asturies

10:30h. Alborada:
Pareyes de tambor y gaita
percorrerán la Villa

13:30h. Nel Quioscu la Música;
“Amuesa de flauteros asturianos”
Actúen:

Diego Pangua

Pepín de Muñalen

Cola collaboración especial de:
Albertoedo (bouzouki)

Charla-aderique "100 Años d'Asturianada... y alguno más de Tonada"

Pal 13 de Xuno tamos preparanado un charla-aderique sobre l'Asturianada, esto ye un complementu pa l'asignatura de tonada y pal taller d'acompañamientu de tonadaa, pero ye per interesante pa toles persones que quieran conocer meyor esti xéneru asturianu.

Ismael Arias
Ye escritor y productor musical. Tien escritos dellos articulos dedicados a la Asturianada y a los cantadores de la mesma ademas d'un llibru espublizáu nel 1998 "L'Asturianada" ".

Otros trabayos sobre la música d'Asturies d'Ismael son:
Les Cuarenta Principales (Cancioneru de Mieres) (2000 y 2001, 2ª ed)
Cantares de Llanes (2003)
Cronoloxía de la música asturiana (2004)

Anguañu tien tamién un programa na RPA "Música, músiques" dedicáu a la tonada
.

100 Años d'Asturianada... y alguno más de Tonada
Por Ismael Arias

13 de Xuno de 2009 nel Conservatoriu Profesional de música "Valle del Nalón"
12h.

ENTRADA LLIBRE

Transitu del seglu XIX al XX.
Exemplos de tonada y asturianada.
Influencia del nacionalismu musical.
Grandes voces del seglu XX
El porqué de que la tonada siga teniendo futuru.

Xornaes de Música na cai en Noreña

La Conceyalía de Cultura del Ayuntamientu de Noreña, cola collaboración de la Escuela de Música Tradicional de Noreña entamen unes Xornaes de Música na cai col nome de "Noreña pola Música d'Asturies". Les xornaes cellebrense los sábados dende les 13:30h. nel Quioscu la música, coles seguientes temátiques:

23 de Mayu -L'asturianada

10:30h Alborada
Pareyes de tambor y gaita
recorrerán la Villa.

11:30h. Na Casa Cultura ;
“Averamientu n'Asturianada”
Por Anabel Santiago
Charla-aderique sobre la Asturianada, dirixía a toes les persones que quieran conocer meyor esti xéneru musical asturianu.

13:30h. Nel Quioscu la Música;
“Festival d'Asturianada”
Intervienen:
Anabel Santiago
Jorge Tuya
Mariluz Cristobal Caunedo
Francisco Martín Holgado
Gaiteru:
Valentín Fuente.
Presenta:
Manuel Rosete

30 de Mayu - La gaita Asturiana.

10:30h. Alborada:
Pareyes de tambor y gaita
recorrerán la Villa

13:30h. Nel Quioscu la Música
“Festival de gaita asturiana”
Intervienen:
Alumnos y profesores de la EMT de Noreña
Programa:
Exemplos coles distintes formaciones al rodiu la gaita:
El gaiteru.
L'acomañamientu d'Asturianada
La pareya de tambor y gaita.
Les orquestines tradicionales.
La Banda Gaites.
Na música Folk.
Dirixe:
Chus Solís

6 de Xuno - La canción narrativa n'Asturies

10:30h. Alborada:
Pareyes de tambor y gaita
recorrerán la Villa

12:00h. Na Casa cultura - Charla-aderique
“Cantares narrativos n'Asturies”
Por Héctor Braga
Héctor Braga, ye Licenciado por el Conservatorio Superior d' Uviéu, animador de mercaos tradicionales y medievales, ye autor de la obra sinfónica Alborá (RNE-2000), la B.S.O de la Gala del Teatru Asturiano-2002, anguañu fina la so Llicenciatura Superior de Etnomusicoloxía.
Entrada gratuita

13:30h. Nel Quioscu la música - Conciertu
“Muestra de Cantares narrativos”
Romances, cantos de ciegu, monólogo asturianu, etc...
Actúen:
Héctor Braga
Carlos Alba”Cellero”

13 de Xuno - La flauta travesera n'Asturies

10:30h. Alborada:
Pareyes de tambor y gaita
recorrerán la Villa

13:30h. Nel Quioscu la Música;
“Muestra de flauteros asturianos”
Actúen:
Diego Pangua
Pepín de Muñalen

Cola collaboración especial de:
Alberto Ablanedo (bouzoui)

EQUI el programa oficial completu en PDF.

Mercáu de Sienra 2009

Tola información nel blog del grupu folklóricu "Blimea"

gfblimea.blogspot.com

Aniciu del cursu d'acompañamientu n'Asturianada

Esti sábadu aniciabase'l cursu d'acompañamientu n'Asturianada. La primera vegada foi teórica con audiciones camentaes coles que Valentín fixo introdución nos xéneros y grupos principales de cantares.

Queden nueve clases per dellantre donde tamién participará Anabel Santiago y los sos alumnos pa les clases práutiques, de xuru n'esti cursu tendremos gaiteros p'acompangar l'Asturianada, SUERTE RAPAZOS!.