Dempués de sacar cuerda.

Manuel Durán y Carlos do Viso, dexáronmos esti fin de selmana parte de los sos saberes, ún como intérprete y l'otru como artesanu.

Na primera parte del taller, Durán deprendiómos cómo sacar cuerda, facer cosíos y cadenetes nel tambor, amás de dellos trucos p'algamar meyor soníu.

La segunda parte impartióla Do Viso. Nella enseñó cómo montar un parche y nivelalu, y dexómos tamién apuntes de cómo seleicionar les peyelles y cómo sacar cuerda ensin desnivelar el tambor.

Manuel Durán tará enseguidina pela escuela pa damos otros tres talleres de fin de selmana, éstos sobre la pareya de gaita y tambor.

Carlos Do Viso convidó a tolos asistentes del nuesu taller a visitar el cursu de construcción de tambores organizáu pol Aula de Música Antigua de Llangréu qu'él ta impartiendo equí n'Asturies y que finará esti xueves 21.