Taller de ritmos brasileños

Éxitu total na II Romeria de Primavera

La Escuela de Música Tradicional del AMPA del Conservatoriu Valle del Nalón, en collaboración cola Asociación de vecinos S. Antonio de Ciañu y L’Ayuntamientu de Llangrén organizaron esta segunda fiesta de primavera que tuvo llugar en Ciañu’l domingu 1 de mayu. La Romería presentó una montonera actos que, dende primer hora de la mañana’l domingu, llevaron folixa y cultura tradicional per tol distritu llangreanu de Ciañu.


La Romería entamó a les 12 h cola misa na Iglesia Parroquial con música del pais, pa seguir les actividaes nel Parque de Ciaño col taller de baille a lo sueltu pa xente con o sin conocimientos y xuegos pa neños y neñes, a la par peles cais un desfile de cabezudos acompañaos de gaita y tambor, la muestra de cantares en chigre peles sidreríes de Ciaño y la actuación nel Quiosco Música de los Alumnos de la Escuela de Música Tradicional.

Ya pela tardi dende les 18h. tuvo llugar la II Romeria nel Parque Ciañu con les actuaciones de los profesores y alumnos de la Escuela de Música Tradicional animando el baille. Na mesma hora otru circuitu de xuegos pa neños/es y la espicha gratuita pa tolos que ellí taben.

II Romeria de Primavera en Ciaño

La Escuela de Música Tradicional "LLangreu", cola collaboración de la Asociación de Vecinos de Ciañu y l'Ayuntamientu de LLangreu, cellebra la II Romería de Primavera en Ciaño.

A les 12h. la Misa na Iglesia Parroquial con música del pais, a les 13h entamen les actividaes; nel Parque de Ciaño un taller de baille a lo sueltu pa xente con o sin conocimientos y xuegos pa neños y neñes, a la par peles cais un desfile de cabezudos acompangaos de gaita y tambor, la muestra de cantares en chigre peles sidreríes de Ciaño y la actuación nel Quiosco Música de los Alumnos de la Escuela de Música Tradicional.

A les 15h tendra llugar una comida d'hermandad de los alumnos de la escuela y los participantes nel taller de baille a lo sueltu.

Ya pela tardi dende les 18h. tendra llugar la II Romeria nel Parque Ciañu con les actuaciones de los profesores y alumnos de la Escuela de Música Tradicional animando el baille. Na mesma hora otru circuitu de xuegos pa neños/es y espichamos la pipa de sidra.

Votar al Meyor Blogue del añu 2010

Dende primeres del mes de Xineru que se pue participar na votación al Meyor Blogue n’Asturianu pal añu 2010.

Estos premios dalos la blogosfera n'Asturianu, col envis d'arrexuntar y medrar esta comunidá en llingua asturiana.

Estos son los premios:

• Meyor blogue según públicu (llectores).
• Meyor blogue según blogueros.
• Meyor diseñu según blogueros.

Pa votar na más que tienes que pinchar EQUI

Lo más guapu d'esta iniciativa ye visitar la bayura blogues participantes de xuru alcontrarás dellos coles tematiques que mas te presten.

Fonte: Chus Solis

Nuevu Trabayu d'Hector Braga

Héctor Braga profesor de la Escuela espubliza el so tercer trabayu CAMINOS DEL MUNDU nel que combina la so extraordinaria voz y los sos instrumentos (harpa, zanfona, gaita, violín, chelo), con músicos de otres escenes como rock, folk, pop o jazz. Baxos, guitarras, baterías y pianos arropen la inconfundible identidá asturiana qu'Héctor representa, y llanza una innovadora propuesta de gran formatu. Ya a la venta en internet y tiendes especializades.
MERCAR DENDE EQUI

Entama'l cursu 2010/2011

Esti sábadu díi 16 d'Ochobre entama'l cursu 2010/2011 na Escuela de Músicia Tradicional "LLANGREU". Les clases, como tolos años impartiranse nel Conservatoriu Profesional de Música "Valle del Nalón" na Plaza Adaro S/N Sama.

Les clases tienen un preciu xenéricu mensual de 40 euros.

Esta ye la ufierta pa esti cursu:

INSTRUMENTALES:
Tambor Asturiano - con Chema Fombona.
Baille Tradicional Asturiano - con Sergio Velasco.
Gaita Asturiana Aniciu- con Hector Braga.
Gaita Asturiana Afondamientu - con Chus Solis
Guitarra Folk - con Elías García.
Bouzouki - con Elías García.
Flauta Travesera de Maera - con Pepín de Muñalén.
Acordeón de botones - con Xose R. Navia.
Tonada Asturiana - con Anabel Santiago.
Zanfoña - con Héctor Braga
Bandurria y Cantares - con Héctor Braga.

COMUNES:
Llinguaxe Musical - con Héctor Braga.
Folklore - con Héctor Braga.

OTRES:
Averamientu activu a la cultura asturiana - con Carlos Suari (pa neños dende 3 años).
Mantenimientu de la Gaita - con Pelayo Fernández.

COMBOS:
Gaita y tambor.
Gaita y tonada.
Agrupación de Baille.
Orquestina Tradicional.
Banda Gaites.
Grupu Folk

Pa pidir información o p'apuntase a ún cursu pasar pela secretaría del Conservatoriu o nel númberu de teléfonu 985 67 71 13.

1er. Certamen de Panderetes y Pandereteros en Sama

Unviomos la información el colleutivu de muyeres "Les Filanderes" de Sama - Llangréu, una bona iniciativa que de xuru tendrá éxitu.

Bona xente y bonos momentos en Ciañu

MÁS SEMEYES EN:
http://es.calameo.com/read/000194872173a1078e038

1er ROMERIA DE PRIMAVERA EN CIAÑU

DESCARGA EL PROGRAMA COMPLETU EN PDF EQUI

Inscripciones nel
TALLER DE BAILLE A LO SUELTU
y nel TALLER DE XUEGOS TRADICIONALES PA NEÑOS/ES
nel teléfonu 985 67 71 13

Conciertu didáuticu de la EMDT de Noreña

Esti Vienres 28 de Mayu La Escuela de Música y Danza Tradicional de Noreña cellebra un Conciertu didáticu na FUNDACIÓN CONSUELO SUAREZ FONSECA-FERRERA -SIERO.

Intervendran:

• Pepín de Muñalén.
• Elias García.
• Chus Solís.
• Alumnos de la Escuela.

A les 20:30h. na fundación.

Alcuentru de Canción Asturiana en Bimenes

IX Alcuentru/Encontro de Pandereta Gallega ya Asturiana

El próximu sábadu 1 de Mayu, fiesta escomanada ya convivencia

astur-galaica nel Sabil (Santu Adrianu). Veníi toos ya toes a

compartir migayines de cultura pente pueblos hermanos, de la manu de

pelleyes ya ruxideres ya los vieyos cantares de les nueses

pandereter@s que mos pondrán a baillar ya armar folixa dica'l ñacer

del día.

Programa.

-20,30h. Recibimientu nel Sabil de Santu Adrianu. Darréu,

cena-confraternización a base de productos del país.

-23,30h. Actuación de los grupos de pandereteres: Os Muíños de

Oliveira (Ponteareas) y de los anfitriones, Cantaruxare.

-1,30h. A partir d’ehí, folixa escomanada dica l'alborecer (polo menos!!).

Y cuando seya hora de dir chase a durmir un cachín, tenemos ablugu

aseguráu nel propiu albergue, al llaín mesmo de la folixa.

El preciu estipuláu ye de 35 Eurinos de nada, asina que les perres nun

son escusa!!

Información y Inscripciones:

-Llamando al propiu El Sabil: 985 761 472. info@elsabil.net

www.elsabil.net.

NUN VOS DESPISTEIS,

PLACES LLIMITAES!!!

CURSU DE TÉUNICA VOCAL PA CANTANTES DE TONADA

Dende'l díi 13 de marzu de 2010 naa Casa de Cultura de Mieres.

La Casa de Cultura de Mieres organiza esti cursu qu'imparte la profesora María del Pilar Quintana Bellán "Mapi Quintana". Tien l'obxetivu de maximizar el rendimientu de la voz.

Los sábados, dende'l 13 de marzu a dos hores por díi durante 10 selmanes.

YE DE BALDRE.

Infórmate nel teléfonu 985 450 666, 985 456 292

Correo-e: cultura@ayto-mieres.es.

II Sidra&Blogues en Ciañu

Esti sábado 20 de Febreru de 2010 cellebrase el II Sidra&Blogues nel que la nuesa escuela participará con una actuación informal nel parque Ciañu. Estes propuestes favorecen l'usu de la llingua asturiana na rede y tienen el nuesu sofitu na media que nos ye posible.

Tola información del II Sidra&Blogues nel blog de Trayasgaya

Yá se pue descargar l’Anuariu Sonoru ‘09

Un total de 44 cantares y 17 vidioclips formen l’Anuariu Sonoru ’09, recopilatoriu editáu pol portal dixital d’información musical www.fnast.net y pola asociación Ensame Cultural Sonastur. Nel anuariu, que distribúyese de baldre al traviés d’Internet, recuéyese l’actividá de los grupos asturianos que grabaron discu, maqueta, temes sueltos y/o vidioclip durante l’añu 2009.

siguir enllaz EQUI

Macro-Concierto Solidariu en LLangréu por Haití.

El día 20 febreru, el Palaciu de los Deportes “Juan Carlos Beiro” acoxerá un Macro-Concierto Solidariu en favor de les Víctimes del terremotu d'Haití.

Numeroses empresas y organismos collaboren nel eventu. El cartelu del Conciertu por Haití de Llangreu contará cola participación de:

• Víctor Manuel San José
• Chus Pedro
• Manolo Peñayos
• Stroza
• El Che de Cabaños
• Los Berrones
• Cepeda y Cía
• Spanta La Xente
• Anabel Santiago
  
• Merienda de Negro
• Xuacu Amiega
• Cristina
• Héctor Braga
• Grupo Bueno.

Les entraes, que se pueden adquirir en cualesquier de les sucursales de Caxastur, tiene un preciu únicu de 12 euros que sedrán íntegramente destinaos a les víctimas del terremotu d'Haití. Además, l'Ayuntamientu fexo una “Fila 0” onde toess les persones pueden dar les sos aportaciones personales.

El díi del conciertu, Autobuses de Langreo, la llínea de buses a Tuilla y, posiblemente, Autos La Nueva pondrán refuerzos en sos respeutivos trayeutos.

NON SE DUE FALTAR

Fonte, enllaz facebook:
http://www.facebook.com/event.php?eid=277253894561&ref=mf

Elías García nuevu profesor de guitarra y bouzouki

Etapes que finen y otres qu'entamen, güei despedimos a Alberto Ablanedo que foi el profesor de guitarra folk y bouzoqui dende'l cursu 2008 y que por cuestiones de trabayu tien que dexar les clases na escuela.

El relevo coxelo Elías García que de xuru enfotarase na tarea tal como lo fixo Alberto.

Elias ye miembru fundador de "Llan de Cubel" ún de lo grupos de referencia de la música folk n'Asturies y aún n'activu.


Entamó na música cola gaita y la xiblata. Na década de los 90 convirtiéndose n'ún de los vigulineros que fixeron resurdir la técnica d'esti instrumentu n'Asturies.

Elias collaboró y collabora con práuticamente tolos grupos de la escena folk y ye el primeru introduciendo n'Asturies la guitarra col sestema abiertu pal folk y el bouzoki .

Además del discu nuevu qu'alguañu prepara con "Llan de Cubel" ye miembru de "Tuenda" con Pepín de Muñalen y Xosé Antón "Ambas" y participa de seguio nel programa de la TPA "Camín de Cantares" conducíu por esti últimu.

Pues apuntase a les clases de Elias o pedir más información dende:
Tlfnu. 985 67 71 13
llangreumusicatradicional@hotmail.com

Anxo Lorenzo Band en Llangréu

Anxo Lorenzo Band en Llangréu

Hora:Sábado, 27 de febrero de 2010 20:15

Lugar:Nuevo Teatro de La Felguera
http://www.myspace.com/anxolorenzo

Conciertu-aniversariu de FNAST.NET

CONCIERTU ANIVERSARIU FNAST.NET
Vienres 8 de xineru
Savoy Drinks&Music (Xixón)

La Tarrancha (Ska/reggae)
www.myspace.com/latarrancha
+
Black Panthys Party (Hardcore/punk)
www.myspace.com/tbpp
+
Patriband Folk Orl.lestra (Folk)
www.myspace.com/patriband
+
13 Palabras (Hiphop)
www.myspace.com/13palabras

Amás de los conciertos va haber sorteos, venta de material musical, rifa
la xata y sonará música asturiana.

A les 20.00
Preciu entrada: 4 €
Preciu entrada + camiseta "Asturies tien son": 10 €

Entama:
- FNAST.NET, Información dixital del panorama musical Fechu n'Asturies
- Ensame Cultural Sonastur

Más info:
www.fnast.net

Meyor blogue n'asturianu

Entama la edición del añu 2009. Puen mandase les votaciones fasta’l 31 de xineru de 2010.

Entamáu pol blogue TrayasgayA esti añu participen también na organización González y González , Tapaponga y La esfoyaza.

La organización dispón d'un espaciu na red: www.votalmeyorblogue.webcindario.com

Ramilás

El pasáu 20 d'Avientu tornamos del Intercambio cola escuela de música tradicional Rebulir en Ramilás.

Los de Rebulir son xente mozo con ganes de trabayar y que faen una gran llabor na so comunidade.

Dempués del recibimientu y acomadaos nel alberge fiximos un ensayu y participamos nel IV Festival de Baile e Música Tradicional conxuntamente colos anfiriones y el grupu folklorico da Casa do Povo Cacia de Portugal, Castellanos de Olid y Lembranza-Solpor de Celanova, dempues de la cena todos xuntos los de Rebulir prepararon una festa nel pub “Onde Queiras” con queimada incluida y dende lluegu cola sidra que nos portamos d'Asturies. Con escenariu llibre castellanos, gallegos y asturianos mecigayamonos baillando un salton equi una xota alla o una muñeira per l'otru llau, foi una sesión de lo meyor col llocal fasta la bandera.

Al díi siguiente fiximos una visita a Ourense comu muestra la semeya na Fonte termal das Burgas cola xente de Castiella.

Gracies a la xente de rebulir polo bien que lo fixeron, y por toles atenciones que mos prestaron, solo esperamos que la so estancia en Llangréu sea igual d'especial.

Un abrazu y Feliz añu nuevu 2010.

Conciertu Xuacu Amieva en Llangréu

Sábadu 12 d’avientu a les 20:15 hores.
Preciu: 7 €. Nuevu Teatru La Felguera

Componentes: Xuacu Amieva (gaita, flauta y voz), Paula Alonso (violín), Emilio Fidalgo (guitarra), Luis Rodríguez (baxu), Rubén “Mol”Rodríguez (batería) + Artistes convidaos: Daniel Pando (trompa) y la Banda Gaites Naranco


El Nuevu Teatru La Felguera va acoyer, mañana sábadu 12 d’avientu, un conciertu del músicu asturianu Xuacu Amieva. Amás de pol so grupu (Paula Alonso al violín, Emilio Hidalgo a la guitarra, Luis Rodríguez al baxu y Rubén “Mol” Rodríguez a la batería) Xuacu Amieva va tar tamién acompangáu de dellos artistas convidaos como Daniel Pando a la trompa y la Banda Gaites Naranco.


XUACU AMIEVA ye una de les figures más reconocies del panorama de la música tradicional asturiana. La so llarga carrera como gaiteru, maestru de gaiteros y multiinstrumentista en delles formaciones folk, dio-y un gran prestixu dientro y fuera d´Asturies. Nel so repertoriu alcuentrase una amplia esbilla de cantares y sones de la tradición asturiana, non solo del repertoriu de gaita, sinon tamién de bandurria asturiana, zanfona, flauta o canciu.


Xuacu Amieva ye cofundador de los grupos folk Beleño (1983) y Ubiña (1985), del que formó parte hasta la so disolución en 1989. Con estos grupos y como solista tien participao en munchos festivales y alcuentros de música tradicional, tanto n´Asturies como nel restu España y Europa. Primero en solitariu y, dende 1990, col grupu folk que lleva’l so nome tien grabaos 11 discos: Método de gaita, Onde l´agua ñaz, Ubiña (col grupu Ubiña), Xostrando, Las cornamusas de Europa (con dellos artistes.), Lluna caldeá, La gaita asturiana, El Besu nel discu Santiago del grupu The Chieftains, Tiempo de Mitos, Al son del fueu, y 6.


Ente los premios llograos por esti gran músicu cabe la pena destacar: 1986 Troféu Macallan del Festival Intercélticu de Lorient, 1988 “Urogallo” del Centru Asturianu de Madrid, 1990 Dos Ventolines (Unu como meyor multiinstrumentista y otru como músicu con raíces n´Asturies), 1997 Grammy pol tema El Besu nel discu Santiago del grupu irlandés The Chieftains, 2006 Premiu honoríficu AMAS. El sábadu 12 d’avientu vamos poder disfrutar del potente directu d’esti gran músicu y la so banda, el conciertu va ponese nel Nuevu Teatru La Felguera y la hora empiezu ye la de les 20:15 hores.

Fonte: Ayuntamientu Llangréu

L'oficiu de gaiteru

Ser gaiteru ye más que facer sonar la gaita. Facer l'Alborada, l'acompañamientu de cabezudos, d'autoridaes o de mayordomos y/o ramu, tocar la misa con toles partes de música y la procesión, acompangar al baille o a la tonada son varios de los trabayos del gaiteru.

Tener oficiu, ser un bon oficial y entamar dende'l grau d'aprendiz son coses qu'alguañu non tienen valor nin se consideren d'importancia, pero Valentín Fuente ye un d'esos gaiteros que conserven les formes tradicionales desempeñando el so trabayu comu gaiteru igual que lo fixeron anteriores xeneraciones del gremiu respetando y valorando'l legáu de los gaiteros de vieya escuela.

N'esta ocasión Valentin quier compartir con nós lo aprendio na so llarga trayeutoria con una charra-alderique que nós titulamos como "L' oficu gaiteru", y que de xuru sedrá muy productiva pa tolo/es gaiteros/es que s'animen asistir.

Cellebrarase na Casa los Aberi, Ciañu-Llangréu el xueves 19 d'Avientu de 2009 a les 19:30h. y la entrá ye de baldre.

La escuela nel IV Festival Rebulir

La escuela de música y danza tradicional "Llangréu" participará nel "IV Festival de Baile e Música Tradicional Rebulir".

La escuela de música e danza tradicional Rebuir de Ramilás ye la organizadora d'esti festival nel que participaremos en forma d'intercambiu, colo que countaremos también pal añu 2010 cola so presencia'n Llangéu.

El festival cellebrarase el 19 d'Avientu de 2009 y además Rebulir y la nuesa escuela participarán también el grupu folklorico da Casa do Povo Cacia de Portugal, Castellanos de Olid y Lembranza-Solpor de Celanova.

Nos na ocasión faeremos una muestra de les distintes asignatures de la escuela cola participación de los alumnos y profesores.

Inauguración del Curso 09-10 Escuela de Folklore CFM

La escuela de Folklore del Consorcio de Fomento Musical de Zamora cellebra en breve el so conciertu d'apertura. En el curso anterior varios profesores de nuestra escuela participaron nel conciertu del que traxeron muy bones sensaciones.

La escuela de Folklore del CFM ye una escuela viva qu'aglutina práuticamente la totalidad d'alumnau pa música tradicional de Zamora, además publica trabayos de investigación y participa na renovacion de les tradiciones de la zona, manteniendo un contáutu activu y direutu cola comunidá. Ye sin duda un claru referente de l'eseñanza de la música tradicional n'España.

Dende la nuesa escuela felicitaciones pa col trabayu de los grandes profesores y profesionales que tien el CFMZ y bon entamu pa col conciertu d'apertura