EL GRAN RETU: RECUPERAR LA XIPLA

Dempués de facer dos cursos, ún con Diego C. Camiña y otru con Alberto Jambrina, esti añu intentaremos que la XIPLA seya asignatura na escuela, y con ello recuperar l'usu d'esti istrumentu casi desapaecíu na nuesa Asturies.

Debío a la falta profesoráu, puesto que nun queden yá nin intérpretes, conseguimos, gracies al nuestru collaciu Alberto Jambrina, alcontrar un profesor de Llión, onde entovía caltienen l'usu del instrumentu, y ye tanto morfolóxicamente como nel so repertoriu mui apaecío a lo qu'hubo n'Asturies.

Luis Mondelo ye natural de Ponferrada y ye profesor de Xipla nes escueles municipales de música de Llión y Bembibre; y si la demanda lo permite sedrá tamién profesor equí en Llangréu. Dende equí da-y les gracies pol ciñu y les ganes que garró'l proyeutu y en concencia, a Diego y Alberto, dos persones que pusieron y tan poniendo munchu empeñu pa qu'esto seya una realidá.

La XIPLA y el TAMBOR tán sirvíes; NAMÁI FALTES TÚ!!! Si quies saber más o inscribite nel cursu Xipla calca EQUÍ

Mécanica y Mantenimientu de la gaita

L'asignatura de "Mecánica y mantenimientu de la gaita" consolídase nel so segundu añu d'existencia. Ye l'asignatura más atractiva de la escuela, siendo Llangréu l'únicu sitiu n'Asturies onde s'imparte. L'aula destinada pa esta especialidá tien tolo necesario en ferramienta, útiles y materiales. Pelayo Fernández ye'l profesor de l'asignatura.

PUES INSCRIBITE NES CLASES CON PELAYO O RECIBIR MÁS INFORMACIÓN DENDE EQUI

Laura Ruiz impartira clases de baille, cantares y pandereteres

Laura Ruiz, profesora de baille na Agrupación El Ventolín de la Pola (Siero) y directora del grupu "Les pandereteres de Fitoria", sedrá la encargada d'impartir les clases de BAILLE ASTURIANU y CANTARES Y PANDERETES na escuela. Ésta última de cantares y pandereteres tará reforzada con un taller de fin de selmana dedicáu a la téunica vocal.

PUES INSCRIBITE NES CLASES DE LAURA O RECIBIR MÁS INFORMACIÓN DENDE EQUI

ENSAME FOLK

Otra de les nueves pal cursu 2007/2008 ye l'asignatura de conxuntu ENSAME FOLK, tratará d'empobinar a formaciones noveles de cualquier tipu de composición: dúos,tríos, cuartetos,etc..., y cualesquiera seya la composición instrumental.

Les clases tarán impartíes por Alberto Ablanedo, al que-y agradecemos dende esti momentu les ganes y el cariñu colos que garra esti proyeutu pioneru n'Asturies.

Pues inscribite nel cursu d'ENSAME FOLK o recibir más información dende EQUI

Héctor Braga impartira clases de Zanfoña, Banduria y Canción na EMTLL

Héctor Braga ye ún de les novedaes pal cursu 2007/2008. Natural de Llangréu, ye llicenciáu pol Conservatoriu Superior d'Uviéu, y ex-miembru del grupu Llangres, actúando agora en solitario. Anguaño ta finando la Llicenciatura Superior de “Etnomusicoloxía.”

Héctor impartirá Zanfona y Bandurria; ésta última inclúi'l conocimientu de romances, cantares, bailles, etc...; propios del usu del instrumentu.

Pues inscribite nos cursos de Héctor o recibir información dende EQUI

Estrenu del sitiu web de la Agrupación d'Etnografía y Folklor Reija de Llangréu

Los compañeros de l'Agrupación Reija de Llangréu estrenen el so espaciu web. Dende equí da-yos la norabona pol trabayu fechu y munchu ánimu pa siguir medrando.

Visita la so Web

WWW.REIJA.AS

Cursu de construcción de tambores de cuerdes.

L'Asociación del Aula Música Antigua de Llangréu entama un cursu de construcción d'instrumentos centráu na percusión, que va desarrollase del 12 al 23 de payares en Llangréu. El profesor del cursu, que que va contar con 50 hores llectives, va ser el gallegu Carlos Do Viso, y nél los alumnos van construyir un panderu y un tambor asturianu, colos que quedarán cuando fine'l cursu. La matrícula, que se pue formalizar del 1 al 15 d'ochobre, ye de 600 euros, y les diez places del cursu enllenaránse per orde d'inscripción. Pa más información llamar al teléfonu 647 379 199 Fuente: Asturies.com

Fraguando el cursu 2007-2008

Tamos preparando'l cursu 2007-2008; como adelantu estes sedrán les distintes materies a impartir .

Asignatures Instrumentales

Canción Asturiana

Tambor Asturianu

Gaita Asturiana
Xipla Esto ye NUEVO
Zanfona Esto ye NUEVO
Curdión diatónicu Esto ye NUEVO
Bandurria Esto ye NUEVO

Asignatures de Conxuntu

Pareya Gaita y Tambor

Gaita y Canción Asturiana

Bandina-Orquestina

Banda Gaites

Ensame Folk Esto ye NUEVO

Otres Asignatures

Mecánica y Mantenimientu de la gaita

Mecánica y Mantenimientu del tambor Esto ye NUEVO

Llinguaxe musical y Folklore
Aniciu a la música tradicional neños dende 6 años Esto ye NUEVO

Conciertu fin de Cursu

El 26 de Xunu ficimos el tradicional conciertu y espicha fin de cursu, éstes son unes muestres del programa.

Finó el cursu 2006/2007

Finó la Xornada de percusión gallega

Dempués de la mañana cola esposición didáutica de percusión gallega y el taller de pandereta, pasamos a facer el taller de tamboril pela tarde. En pocu tiempu vamos cuntar otra vegada con Manuel Gómez pa facer un cursu intensivu de pandereta gallega.

Visita al Museo de la gaita

Esti vienres 22 de Xunu ficimos la visita al muséu de la Gaita, dientro de les actividaes del fin de cursu.

L' Archivu sonoru entama na Web de la escuela

L' Archivu Sonoru de la escuela ponse dende agora mesmu a disposición.
Entamamos na rede coles aportaciones que mos ficieron Xose Antón "Ambas" y Valentín Fuente.




Web Escuela
Si quies facer dalguna aportación al archivu sonoru contauta con nós, escríbinos a Llangreumusicatradicional@hotmail.com

N'Alcordanza d'Igor y Carlos

Esti 22 de Xunu entámase n' alcordanza d'Ígor y Carlos, compañeros trístemente fallecíos fadrá yá un añu.

Nun se pue faltar.

Enllaces rellacionaos:

www.nvivo.es/conciertos/i/1876/

www.teatrojovellanos.com/interior.asp?MP=2&MS=74

albertoablanedo.blogspot.com

Fina el cursu 2006/2007

Con un fin de cursu repletu d'actividaes finamos esti cursu 2006/2007. Queden proyeutos como'l taller d' Ernesto Campos y el trabayu de campo de los gaiteros de la Cuenca que finaremos nel cursu 2007/2008. Como nueves pal cursu 2007/2008 queremos incluyir les asignatures de XIPLA, BANDURRIA, ZANFONA y MECÁNICA Y MANTENIMIENTU DEL TAMBOR, esperamos poder faceles realidá. Ensin más, gracies a les persones que mos dieron alientu y sofitu nel cursu que fina.PROGRAMA FIN DE CURSU...

Visita de Alberto Fernádez Velasco al aula de Mecánica y Mantenimientu de la Gaita

El pasáu 16 de Xunu visitómos l'artesanu Alberto Fernández Velasco. Dempués d'escucar el taller de "Mecánica y mantenimientu de la gaita" resaltó la calidá de les instalaciones y lo adecuau de les ferramientes y materiales utilizaos nel aula. A nosotros préstamos ver pela escuela artesanos del calibre d'Alberto, qu'ilusionen y animen a los nuesos escolinos a deprender a empayolar. Na semeya Berto xunto a Pelayo, profesor de la asiganatura.

"Xornada d' estudiu - Instrumentos de percusión gallegos"

El 23 de xunu fadremos una:

"Xornada d' estudiu - Instrumentos de percusión gallegos"


por: Manuel Gómez

MÁS INFORMACIÓN…….

Ganes de más na pareya gaita y tambor

Dempués de finar el taller: "La pareya de gaita y tambor nel baile a lo suelto" por: Valentín Fuente - Manuel Durán, les pareyes participantes comentaron lo útil d'estos talleres y la falta d'actos asemeyaos pa la formación de les pareyes de gaita y tambor. La EMT. Llangréu ufierta con estos mesmos profesores la asigantura d'agrupación "la pareya de gaita y tambor" dientro'l programa d' Asignatures/Materies.

Fina el taller "La parexa de gaita y tambor nel baile a lo suelto"

Dempués del taller"La pareya de gaita y tambor nel baile a lo suelto" les pareyes participantes comentaron lo útil del trabayu y les ganes de facer más actos asemeyaos que formen pareyes de gaita y tambor.

Fin de Cursu 06/07

Vienres 22

18h Visita Guiada:
Muséu de la Gaita
Muséu del Pueblu d'Asturies
Casa del los González Alonso
XIXÓN

Sábadu 23
11h Conciertu didácticu:
Instrumentos de percusión Gallegos.
Por Manuel Gómez

12h Taller práuticu:
Toques de pandereta Gallega
Por Manuel Gómez

12h Taller práuticu:
El Tamboril Gallegu
Por Manuel Gómez

Conservatoriu Valle del Nalón
Plaza Adaro s/n
SAMA-LLANGRÉU

Domingu 24
12h Conciertu Fin de Cursu:
Auditoriu del Conservatoriu
Plaza Adaro s/n
SAMA-LLANGRÉU

Ensame
Alumnos de Llinguaxe Musical y Folklore
Selección de Pieces

Pareya Tambor y Gaita
Eloy Fanjul y Aarón Domínguez
Alborada

Gaita Irlandesa
Pelayo Fernández
Selección de Pieces

Bandina
La Llangreana
Pasodobles Asturianos

Gaiteru Solista
Adrián Muñiz
Floréu Remis

Pareya Baille
Andrés Martínez y Fani Moro
Valentín Fuente y Juan Pablo: Gaita y Tambor
A lo pesao.

Banda Gaites
B.G.Conceyu Llangréu
El Baile
Suite Homenaxe a Felpeyu.

13h Tentempié - Vermut

14h Comida Fin de Cursu

Restaurante Río 2
SAMA LLANGRÉU

"La parexa de gaita y tambor nel baile a lo suelto"

El 16 de xunu la Escuela de Música Tradicional Llangréu de l'A.pp.aa. del Conservatoriu Valle del Nalón entama'l taller:

"La pareya de gaita y tambor nel baille a lo suelto"

Por: Valentín Fuente - Manuel Durán

MAS INFORMACIÓN.......

Fina la Xornada d'estudiu y camin na Xipla

Finó la “Xornada d'estudiu-Intrumentos musicales de Zamora ”. Dende equí gracies fonderes a Alberto Jambrina, de xuru que les sos aportaciones abriránmos el camín a la Xipla pal cursu 2007/2008.

Xornada d'estudiu de la Música Tradicional Zamorana

El 9 de Xunu fadrémos el taller:

“Xornada d'estudiu-Intrumentos musicales de Zamora ”

1.-Cursu práuticu de flauta de tres furacos.

2.-La gaita de fuelle y otros instrumentos Zamoranos.

Por

Alberto Jambrina

MÁS INFORMACIÓN…….

I Amuesa Cultural "TOLO D`ASTURIES"

Los próximos díes 18, 19 y 20 de mayu, Llangréu va acoyer la muestra cultural "Tolo d'Asturies", que va allugase nel recintu de la estación d'autobuses de Llangréu. "Tolo d'Asturies" ye una feria que naz cola intención d'amosar diferentes realidaes representatives de la gran bayura cultural d'Asturies. L'Ayuntamientu de Llangréu y la Conseyería de Cultura, Comunicación Social y Turismu del Principáu d'Asturies patrocinen esta feria qu'organicen les asociaciones culturales "Reija" y "L'Enguedeyu".Más información: http://www.grupureija.blogspot.com/

http://www.asturies.com/noticia.php?cod=27759

La BGCLL nel 50 aniversatiu del Festival de la saint-loup – Guingamp.

La Banda Gaites Conceyu de Llangréu sedrá la banda gaites representante d’Asturies nel 50 aniversariu del Festival de la saint-loup – Guingamp.