Cursu d'acompañamientu de gaita n'Asturianá

Pa los meses de Mayu y Xuno tamos preparando el Cursu d'acompañamientu de gaita n'Asturianá, tará repartíu en 10 clases teóricas y práuticas con cantadores d'Asturianá.

Impartiranse tolos sábados de Mayu y Xuno ente les 16 y les 19h. nel Conservatoriu Profesional de Música "Valle del Nalón", más tres clases extra de selmana pa la práutica con cantadores..

El requisitu mínimu ye un nivel mediu-altu de gaita con bon repertoriu de floreos.

Les clases sedrán impartias por Valentín Fuente de cálter personalizáu con un máximu de 2 alumnos por sesión.

El preciu del cursu completu ye de 100 euros que se abonaran en dos mensualidades de 50 euros.

Les plazes son llimitaes por riguroso orde d'inscripción que se pue formalizar dende'l nuesu correu ellectrónicu llangreumusicatradicional@hotmail.com o nel numberu de teléfonu 985677113. El plazu fina el 30 d'Abril.

Esperamos con esti cursu que se llogren nuevos gaiteros pal acompañamientu de l' Asturianada de los que tanta falta faen.

Talleres de fin de selmana pa 2009

Dempués de los vuesos votos esta ye la preferencia pa la fechura de talleres de fin de selmana. Por cuestiones d'axenda ya se fexo el de Mecánica y Mantenimientu de la Zanfoña. Esperamos cellebrar la totalidad de propuestes pero si non, intentaremos seguir l'orden de preferencia.

1. Mecánica y mantenimientu del Tambor -12votos- (54%)
2. L'acompañamientu de gaita na Toná -8votos- (36%)
3. La Toná, xéneros, interpretes y evolución -8votos- (36%)
4. Mecánica y mantenimientu de la flauta travesera -8votos- (36%)
5. Tambor y gaita nel contextu de la fiesta -7votos- (31%)
6. Mecánica y mantenimientu de la zanfoña -7votos- (31%)
7. Aniciu nel bodhram -7votos- (31%)
8. Xornada d'estudio de la música tradicional Mallorquina -6votos- (27%)
9. Téunica vocal aplicá na música tradicional -6votos- (27%)

Capítulo de "Nós" dedicáu a la escuela.

La cita pa esti fin de selmana

Esti fin de selmana espiches varies y cono non LA XIV FOLIXA NA PRIMAVERA col Festival de la música del Arco Atlántico ye la cita ineludible.

Conciertos, talleres, actividaes deportives,el IX distintivo Fini Suárez, el VI Trofeo de Gaita asturiana, el II Concurso de Fotografía Optimista, la X Esquisa,clásicos la tonada, l'espiche de les pipes, les falles, la música na cái, etc, etc, etc

El programa completu na web del Ayto. de Mieres:

http://www.ayto-mieres.es/99/9903/990301/?idioma=esp&code=2501

Esti sábado la escuela na TPA

Esti sábado díi 4 d'Abril a les 12:15h. retransmitese pola TPA el programa "Nós" .

Nesta ocasión tará dedicáu a la nuesa Escuela de Música Tradicional Llangreu.

Cursiños Xarabal 2008-2009

Esta información unviamosla el nuesu collaciu Diego Mariño. Los obradoiros de Xarabal son ya un referente en talleres aplicaos.

Cursiños Xarabal 2008-2009
Este ano os cursiños celebraranse os días 9, 10 e 11 de abril (xoves, venres e sábado coincidindo coa Semana Santa).
Os cursiños dispoñibles nesta edición serán:

Gaita. Impartido por Diego Mariño
Empalletado e afinación. Impartido por Xurxo Fernández
Construcción de palletas. Impartido por Patricia Cela
Percusión tradicional. Impartido por Jose Carlos Villar Bouza
Percusión folk. Impartido por Lucía Martínez
Zanfona. Impartido por Xaime Rivas.
Musica tradicional para traverso. Impartido por Jose Liz.

Máis información en:
www.xarabal.org

Otra d'espiches na pomará de Gelitu el carniceru

Esti fin de selmana el 3,4 y5 na Pomará de Gelitu el carniceru, en medio Blimea tal cual:

MONUMENTAL ESPICHA

del GRUPO FOLKLORICO DE BLIMEA

bona sidra, bon llantar,cantarinos, baille, gaita y tambor y más.....

Informes en :

www.gfblimea.blogspot.com

Na semeya el míticu cartel d' Antonio Garrido "¿que tién esta sidrina?"

Espicha-conciertu de Fitoria

El gupu de baille tradicional de fitoria organiza la tradicional espicha-conciertu de Fitoria que entamará esti sábadu a eso de les 21 hores.

Actua la Curuxa y dempues escenariu llibre.

Los rabileros con ganes d'otru taller

Daniel fexo un taller prestosu, de forma discendida onde los alumnos pudieron entrugar y facer aplicaciones na so zanfoña de seguio.

Al final, como sempre n'estes coses, el taller supo a poco pero ya tamos pensando en facer una segunda parti sobre'l tema.

Gracies fonderes a Daniel pol so trabayu y a los participantes nel taller.

Los cantares de chigre en Noreña

Como muestra la semeya, Noreña vibró colos cantares de chigre. La nuesa escuela participó con una ronda y colos alumnos de Noreña na presentación.

Estos foron toes les rondes participantes:

Sidrería del Hotel Cristina
“Santa Apolonia” (Pañeda)
Coru de voces masculines.

Sidrería Villa Condal
“ Villa Condal” (Noreña)
4 voces + teclista.

Sidrería La Cuadra
“Escuela de Música Trd. de Noreña”(Noreña)
5 voces+guitarra+curdión diatónicu+tambor

Sidrería Fermín
“San Martino” (Siero)
Coro de voces mixtes guitara+caxón.

Sidrería La Sala
“Escuela de Música Trd. de Llangréu” (Langreo)
4 voces +curdión+violín+gaita+bandurria

Sidrería Paco
“El Ventolín” (Siero)
8 voces mixtes+panderetes

Sidrería Casa Palmira
"Los Malvises”(Mieres)
voces mixtes+curdión+gaita+bombu

Más semeyes e información nel blog de la escuela de música tradicional de Noreña:

http://afmnorena.blogspot.com/

I Certamen de cantares en chigre “PROHIBIDO CANTAR ….desentonáu”

Dende la escuela de música tradicional de Noreña, col sofitu del Aytu. de Noreña, etamase el I Certame de cantares en chigre “PROHIBIDO CANTAR ….desentonáu”.
L'embis del proyèutu ye reuperar les tertulies nos chigres onde xuntábanse la xente p'echar unos cantarinos, a la par que dibertiense y facien rellaciones sociales.
N'años atrás, vieronse tristes anuncios y ordenes publiques como"PROHIBIDO CANTAR" col que faise un retruque pa facer la publicidá del certame cola puntilla de ….desentonáu”.
Orixinalmente foi la "asociación de amigos del roble" de Siero los que entamaren esta iniciativa con el centame "cancios de chigre" que ta ya na 3 edición.

BASES DE PARTICIPACIÓN

I Certamen de cantares en chigre
“PROHIBIDO CANTAR ….desentonáu”
Noreña 27 de Marzu de 2009

PROGRAMA

20h. Salón d'Actos de la Casa de Cultura de Noreña
ACTU DE PRESENTACIÓN
cola actuación especial de
ANABEL SANTIAGO y HÉCTOR BRAGA
y los alumnos y profesores de la Escuela de Música Tradicional de Noreña

Entrega d'obsequios y diplomas a les rondes participantes

21:30. Nos establecimientos collaboradores.
ACTUACIÓN DE LES RONDES
co les actuaciones especiales d'ANABEL SANTIAGO y HÉCTOR BRAGA pelos distintos establecimientos.
Animación peles calles con pareyes de gaiteros

Taller de mecánica y mantenimientiu de la zanfoña

Pal 28 d'esti mes de Marzu preparamos un taller sobre la mecánica y mantenimiento de la zanfoña. El taller cellebrarase nel Conservatoriu "Valle del Nalón" (Plaza Adaro S/N, Sama - Llangréu), entamará a les 10:30h pa finar a eso de les 13:30. El preciu ye de 25 euros, pa formalizar la inscripción pue facese dende'l correu de la escuela o llamando al 985677113.

DANIEL ROZADA:

D'aniciu autodidacta, entama facer zanfones y bandurries alla po'l añu 93, a esa formacion axunta-y la de los cursos posteriores que fixo na estaya la lutheria, munchos d'ellos nel aula de musica antigua de Llangréu del Coservatoriu "Valle del Nalón" onde, de la manu de prestixosos maestros, Carlos Gonzalez, Jesus Reolid y más ,se fixieron arpes,cuerda pulsada antigua, instrumentos medievales etc y de zanfona, impartio por el mesmu alla po´l 2002,tien el so propiu taller dende´l 95.

Práuticamente tolos zanfoñistes d'Asturies usen o usaron zanfoñes feches por Daniel.

PROGRAMA

1. Funcionamientu acusticu de la zanfoña.
2. Esbilla de los problemes más comunes colos que s'atopen los musicos.
3. Reglaxes y mantenimientu de les diverses partes de la zanfoña ( espadilles,cuerdes, perros,llimpieza periodica y más....)
4. Pequeñes igües que podemos facer nos mesmos.

El cursu ye basicamente teóricu con demostraciones de reglaxes, ye ineteresate llevar el to propiu instrumentu y que camientes los problemes que-y xurden.

.

Banda gaites Hardcore punk

Esti vienres díi 27 los alumnos de l'actividá d'agrupación de Banda Gaites fixeron una actuación poco común, la intro pal conciertu de "Escuela de Odio" que se cellebro na Sala Albeniz en Xixón.

El conciertu foi grabáu pa la edición de ún DVD conmemorativu que la veterana banda llangreana de Hardcore piensa editar pa cellebrar los sos 15 años d'esisitencia.

Anque, por falta espaciu nel escenariu non participaron tolos alumnos de Banda Gaites que son más de una treintena, la experiencia foi de lo más sorprendente con solu de "gaitarra" y con tolos asistentes cantando l' Himnu d' Asturies.

Gracies a la xente de "Escuela de Odio" que portaronse con nós de lo meyor.

Na semeya el grupu cola banda nos camerinos n'antes de salir al escenariu

QUE CRISIS!!!!

Crirsis pallabra en boca de tola xente a toles hores. Na música tradicional non podía ser d'otra fomar también CRISIS.

Esti añu facemos 10 d'activu y aunque tamos preparando delles actividaes pal aniversariu non queremos dexar de llau los talleres de fin de selmana que tanto presten a propios y axenos a la escuela polo que tamos baraxando facer varios aunque non tenemos claro por cuales decantanos, dexamos por eso una encuesta pa que nos faigais ver les vueses preferencias y escoyer asina talleres d'abonda participación y poucas perdidas.

Estes son les propuestes:

Aniciu nel bodhram

con Manuel Cordero, taller de cálter práuticu de 3 hores de duración.

Mecánica y mantenimientu de la zanfoña

con Daniel Rozada, aniciu nos detalles d'afinación, pequeñes reparaciones, etc.

Mecánica y mantenimientu de la flauta travesera

con Marcos Llope, pa enteder el so funcionamientu y sacái el máximu partía al instrumento.

Téunica vocal aplicá na música tradicional

con Begoña Calleja, segunda parte del taller del añu pasáu que gozó de la máxima participacion nos cellebraos nesi curso.

La Toná, xéneros, interpretes y evolución

con Ismael Arias, pa introducinos nel mundo de la toná y los sos interpretes.

Xornada d'estudio de la música tradicional Mallorquina

con Josep A. Cifre, una Xornada con una ponencia d' introducción na música tradicional Malloquina y dos talleres monograficos de cálter práutico sobre la Xeremía y el Flabiol.

L'acompañamientu de gaita na Toná

con Valentin Fuente qu'afondará nes teuniques d'acompañamientu de gaita na Toná.

Tambor y gaita nel contextu de la fiesta

con Valentín Fuente, dende l'alborada, pasando pol acompañamientu de cabezudos, ramos o mayordomos, la musica na liturgia y dende lluegu el baille a lo sueltu. Un taller de tres partes analizando el repertoriu, usu y protocolo.

Mecánica y mantenimientu del Tambor

con Mauel Duran, sacar cuerda, camudar un parche, facer un apreton o unes retañes son coses que tolos tamboriteros deberien saber.

Calendariu del Reija

Un añu más, aunque un poco metios nel añu, el Reija fai un trabayu per guapu col so calendariu promocional con semeyes de lo más prestosu y que también permite la descarga dende la so web www.reija.as como sempre ta fechu colos miembros del grupo que faen les veces de modelos, una idea guapa y prestosa que tien además l'aceptación del público.

Héctor en conciertu

Esti vienres díi 23 de Xineru Héctor Braga fai balance de Trd.ye con un conciertu en Llangreu. El trabayu foi premiau como meyor disco de canción asturiana del año 2008.

L'actu va facese nel Teatru de La Felguera a les 20h y tará presentáu pol escritor Pablo Rodríguez Medina, cuntará con dellos participantes nelli y proyeutaráse un trabayu audivisual fechu por Ramón Lluís Bande al rodiu’l llabor artísticu d’Héctor Braga.

La entrá ye de baldre.

Cantares de Navidá

Ya tamos de vacaciones y non queda más pa esti añu que felicitar a todos/es una especial Navidad y un prosperu añu nuevu. L'añu que entra sedrá de xuru únicu, nel facemos el nuesu primer aniversario con 10 años pola música d'Asturies.

Chus Solís fainos un pequeñu regalu de Navidad nel so blog , tratase de una coleución de Cantares de Navidad asturianos nomáu "Tresnu de cantares de Navidá pa gaita asturiana" na entrá además, recueye un llistáu de trabayos discograficos del xéneru.

Equi los enllaces:

Portada

Entamu

1 - Esta noche es Nochebuena

2 - No hay tal andar

2- No Hay tal andar (lletra)

3 - San José y María

4- Esta noche, caballeros

5 - Alsa, Bayona

6 - Os Resies

6 - Os resies (Lletra)

Contraportada

Nueva especialidá de Mandolina Folk

Pal mes de Xineru de 2009 entamamos la especialidá de Mandolina Folk con Héctor Braga.

Les clases impartiranse los sábados na mañana y tan orientaes al usu na música folk.

Héctor imparte tambien clases de zanfoña, bandurria y vigulín, si quies apuntate nes sos clases llamanos al 985 67 71 13 o nel e-mail llangreumusicatradicional@hotmail.com

Nueves asignatures na escuela de guitarra folk y bouzouki

Dende esti mes d' Avientu entamamos dos asignatures que sedran l' aniciu d'un nuevu departamentu na escuela dedicáu a la música folk y nel que pretendemos ampliar también a instrumentos como la mandolina, bodram, etc..

Lo que ta ya en marcha son les clases de guitarra folk y Bouzouki qu' imparte Alberto Ablanedo.

Nes clases trabayense coses como:


-Afinaciones alternatives DADGAD/DADGBE/GDAD, etc
-Ritmos, mano derecha, carauteristicos del xéneru.
-Armonía para el Folk -Progresiones d' acordes.
-Melodias/punteos
-Acompañamientu con contramelodía
-Actividaes en grupu, etc

si quies apuntate nes clases de GUITARRA FOLK o BOUZOUKI con Alberto Ablanedo pues facer inscripción nel teléfonu 985 67 71 13 o dirixite al correu de la escuela.

Zamora

Semeyes del Cursu de Pelayo


Tenemos que dar l' agradecimientu a todes les persones que formen el Consorciu de Fomentu Musical de Zamora pol tratu que mos brindaron na nuesa estancia elli.

Foi un conciertu prestosu y pos conciertu más prestosu aún.

La escuela de folklore del CFMZ cuenta con más de 1000 alumnos y ye un exemplu a seguir de dedicación y enfotu pola cultura y folklore. Tal vez en breve, se puedan facer proyeutos en común ente les nueses escueles, dende lluegu les ganes non falten.

Monentu del conciertu con Héctor y Chus, todos los videos en: http://es.youtube.com/user/CFMZ

Conciertu d' apertura CFM de Zamora

Esti vienres díi 21 varios profesores nos deplazamos a Zamora donde participaremos nel Conciertu d' Apertura del Cursu del Consocio de Fomento Musical de Zamora

El Consorcio de Fomento Musical de Zamora, ta centráu nel desarrollu d' actividaes d'investigación y archivo musical, publicación y edición de etnomusicales, presentación y muestras de folklore, conservación y difusión del folclore zamorano nes sos escuelas de folklore, asina como nel desarrollo de numeroses colaboraciones d' asesoramientu 'n diferentes medios. Ye una entidá de prestixu en Zamora tando respaldá y sofitá por delles organizaciones públiques y privaes.

Inauguración del Cursu 08-09 Escuela de Folklore CFM, Zamora
Conciertu d' Apertura.
Vienres 21 de payares de 2008.
20,15 H Auditorio de Caja España C/ Leopoldo Alas Clarín 5

FLAUTA Y TAMBORIL
Manuel Pérez Becerro y pareya de baille (Salamanca).

DULZAINA Y PERCUSIÓN
Hermanos Barreno, Zarzuela del Monte (Segovia).

GAITA Y TAMBOR
Escuela de Música Tradicional de Llangreu (Asturies).
Chus Solís, gaita.
Chema Fombona, tambor
Héctor Braga, tonada.

El sábado Pelayo Fernandez, profesor de mecánica de la gaita impartirá un taller sobre la contrucción de payueles aplicáu a la gaita zamorana.

Parti del conciertu d' apertura del cursu 07/08, más videos en ; http://es.youtube.com/user/CFMZ

Héctor Braga espubliza Trd.ye

El nuesu compañeru Héctor Braga espubliza estos díis es so segundu trabayu en solitariu "Trd.ye", nesti nuevu albun Héctor fai gala del so potencial como multinstrumentista amestando un conteníu importante de tonada dando a conocer les sos cualidades como intreprete de canción asturiana. Tién, además, delles collaboraciones como les de Pepín de Muñalen y Alberto Ablanedo profesores también na nuesa escuela de Llangréu.

equi unes muestres de "Trd.ye"

equi pa mercar "Trd.ye"

Anabel Santiago fala del so aniciu na docencia

Anabel Santiago ye la profesora de tonada de la escuela dende esti cursu 08/09. El pasáu díi 4 falo de la so nueva condición de profesora nel prograna "Musica Musiques" de la RPA.

Ismael Arias fixo una entrevista de lo más prestoso, onde Anabel explica el so plantamientu d' enseñanza pa la tonada.

5 Payares, Xargene n' Uvieu

La Obra Social y Cultural de Cajastur ufriez Xargene en conciertu, a cellebrar el 5 de Payares nel Centro Cultural Cajastur San Francisco, ye del balde fasta completar l' aforu.

Xargene ufierta música tradicional de los Pireneos rellaborá per ellos mesmos, músicos d' amplia formación y referencia. Además de les zanfoñes (con Roman Baudoin meyor zanfoñista en Saint Chartier), curdión y demás, ye curiosa pa tamburiteros asturianos pola flauta de tres furacos del Pirineu (tipo Xirula) y pa gaiteros pola boha, instrumentos qu' emplean na formación.

Xargene son:

Joan Baudoin, zanfoña, boha (cornamusa landesa), flautes de tres furacos, caremera, voz y percusiones tradicionales.

Lucia Longué, flautes de tres furacos, besson, caremera, voz, curdión diatónicu y boha. RAS.

Simon Guillaumin, zanfoña electroacústica y voz.
Forma parte de PAKOPOLEN, PASS'AIRES, ROCK'N'TRAD y PARAULAS DE BAL.


Josean Martín Zarko, guitarras, bouzouki y mandolina.
Miembro de GANBARA, ALBOKA, LANTZ y EURITAN BLAI.

Juan Ezeiza, violín, alboka, txanbela, xirula y cromorno.
Miembro de GANBARA, LANTZ y EURITAN BLAI.

Roman Baudoin, producción artística. Ha participado en formaciones JASIRA, CÒDÒC, MESCLAM!, UN PAS UN SAUT, FAMILHA ARTUS, ZAAR...

Más información en :
http://www.cajastur.es/osyc/acultural/actividades/actividad1553.html

10.000

Güei sobrepasamos les 10.000 visites al blog aniciau el 15 de Mayu de 2007, gracies pol seguimientu y comentarios que faceis los habituales, en xeneral gracies a los que pasen per esti espaciu y pol interés que mostraís munchos nes actividades y cursos de nuesa escuela.